Ամուսինը վռնդել է կնոջը ննջասենյակից և սկսել քնել սիրելի շան հետ

Մեծ Բրիտանիայում կինը թույլ է տվել ամուսնուն առանձին քնել, որպեսզի նա նույնիսկ գիշերը չկարողանա բաժանվել իր սիրելի բուլդոգից։ Այս մասին հայտնում է Daily Mirror-ը։

52-ամյա Սեմը և 54-ամյա Քրեյգ Գրանտը որդեգրել են Դենիս անունով շուն, երբ իրենց երեխաները մեծացել ու հեռացել են տնից: Կնոջ խոսքով՝ բուլդոգը լուսավորել է իրենց կյանքը։ Շանը սեղանի մոտ հատուկ տեղ են հատկացնում, իսկ կիրակի օրը նրա համար խորոված են պատրաստում և պատառաքաղով կերակրում։ Շաբաթը մեկ անգամ հոգատար տերերը Դենիսին տանում են շների այգի՝ ցեղակիցների հետ զվարճանալու։

Քանի որ շունը Քրեյգին համարում է ընտանիքի գլուխ, նա նախընտրում է քնել նրա կողքին։ Որպեսզի Դենիսի համար ամուսնու կողքին հարամարավետ լինի, Սեմը սկսել է քնել մեկ այլ սենյակում։ Այժմ զույգը կատակում է, որ իրեն հանուն շան վռնդել են ննջասենյակից։