Ռուսաստանի և Հայաստանի հարաբերությունները կրում են դաշնակցային բնույթ․ Պուտին
Արտաքին Քաղաքական
Ռուսաստանի և Հայաստանի հարաբերությունները կրում են դաշնակցային բնույթ, ունեն հինավուրց ու խորն արմատներ։ Երևանում ՀԱՊԿ գագաթնաժողովից հետո ՀՀ վարչապետ Նիկոլ Փաշինյանի հետ կայացած հանդիպմանն ասել է ՌԴ նախագահ Վլադիմիր Պուտինը։
«Դուք նշել եք մեր երկկողմ հարաբերությունները, որոնք, իհարկե, դաշնակցային են, ունեն հինավուրց, խորն արմատներ»,- ասել է նա։
Պուտինն արձանագրել է, որ Փաշինյանի հետ Ղարաբաղի խնդիրները քննարկել են ինչպես ՀԱՊԿ գագաթնաժողովից առաջ, երբ միասին երթևեկում էին ավտոմեքենայում, այնպես էլ գագաթնաժողովի ընթացքում ու դրանից հետո։
«Երբ հանդիպեցինք, դեռ մեքենայում, քննարկում էինք տարածաշրջանային բնույթի հարցեր, տարածաշրջանի կարգավորման հարցեր, այդ թվում՝ տրանսպորտային ուղիների ապաշրջափակման խնդիրները։ Ես շատ գոհ եմ, որ այսօրվա միջոցառումների շրջանակում հնարավորություն ընձեռվեց երկկողմանի հանդիպում անցկացնելու»,– ասել է ՌԴ նախագահը։
Պուտինը հավելել է, որ «հազվադեպ է հնարավոր լինում բոլոր հարցերի շուրջ համաձայնության գալ, բայց ընդհանուր առմամբ աշխատանքը շատ ինտենսիվ և օգտակար է եղել»։
Նա նաև նշել է, որ երկու երկրների միջև ապրանքաշրջանառությունն այս տարվա առաջին 9 ամիսներին ավեացել է 67 տոկոսով։ «Այո, սա պայմանավորված է այսօրվա առանձնահատկություններով, բայց, իհարկե, լավ ներդրում կլինի նաև ապագայի համար»,- ընդգծել է ՌԴ նախագահը։
Հանդիպման ժամանակ Պուտինը շնորհավորել է Փաշինյանին ՀԱՊԿ նախագահության հաջող ավարտի առիթով` նշելով, որ Հայաստանն աշխատել է բարձր մակարդակով։
ՈՒՂԻՂ ԵԹԵՐ
Ամենադիտված 
Էլիզ Մելիքյանը մայրիկի հետ լուսանկար է հրապարակել
