Սեքսապաթոլոգն առաջարկել է դավաճանությանը ճիշտ արձագանքելու եղանակ
Ժամանց
Դավաճանությունից հետո հարաբերությունները շարունակելու կամ դադարեցնելու որոշում պետք է կայացվի միայն այն ժամանակ, երբ հույզերն արդեն հանդարտված են, խորհուրդ է տվել հոգեբան-սեքսապաթոլոգ Կարոլինա Պուտինցեւան։ Նա իր Telegram-յան ալիքում նշել է սիրելիի դավաճանությանը պատշաճ արձագանքելու եղանակները։
Նախքան զուգընկերոջը դավաճանության մեջ մեղադրելը, պետք է ինքներդ որոշեք, թե դա ինչ է, ասել է Պուտինցևան։ Նրա խոսքով՝ մեկի համար դա սիրելիի սեքսն է ուրիշի հետ, երկրորդի համար՝ դանդաղ պարը գործընկերոջ հետ կորպորատիվ երեկույթի ժամանակ, իսկ երրորդի համար նույնիսկ սոցիալական ցանցերում շփումը դավաճանություն կթվա։
Հաճախ նրանք, ովքեր վերահսկում են զուգընկերոջ գործողությունները, ենթագիտակցական մակարդակում, փնտրում են դավաճանության փաստը, ասել է նա։
Եթե հայտնի է դարձել, որ զուգընկերը խաբել է, ապա առաջին քայլը պետք է գնահատել այս տեղեկության աղբյուրը։ Մի բան է, երբ մարդն անձամբ զուգընկերոջը բռնացնում է «հանցագործության» վայրում, մեկ այլ բան, երբ կողմնակի մարդիկ են ասում այդ մասին: Պուտինցևայի խոսքով՝ միշտ պետք է հիշել, որ այլ մարդիկ կարող են եսասիրական նպատակներ ունենալ։
Այնուհետև պետք է ձեզ ժամանակ տրամադրեք՝ հաղթահարեք այն էմոցիաները, որոնք կծանրաբեռնեն ձեր գլուխը՝ ժխտում, զայրույթ, վրդովմունք: Սա կարող է ժամանակ պահանջել, հավելել է հոգեբան-սեքսապաթոլոգը։ Նա նաև խորհուրդ է տվել օգնություն խնդրել հարազատ մարդուց, ով կարող է լսել առանց որևէ գնահատական տալու։ Եթե նա մոտակայքում չէ, իմաստ ունի խոսել մասնագետի հետ:
Մի մեղադրեք ինքներդ ձեզ խաբված լինելու համար: Պատասխանատվությունը միշտ նրա վրա է, ով դավաճանել է, նշել է Պուտինցեւան։
«Դավաճանության պատճառները կարող են շատ լինել՝ տարիքային տարբերություններից մինչև սեռական տարբեր նախասիրություններ: Միգուցե դավաճանությունից հետո է, որ զուգընկերներն առաջին անգամ հնարավորություն կունենան անկեղծորեն քննարկել այն, ինչ իրենց պակասում է հարաբերություններում»,-ընդգծել է հոգեբան-սեքսապաթոլոգը։
«Եվ միայն այն բանից հետո, երբ հույզերը հանդարտվեն, և զուգընկերը խոսի, կարող եք որոշում կայացնել», - ամփոփել է Պուտինցևան: «Հեռանալ, թե մնալ, դա ձեզնից է կախված»:
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
