Պենտագոնը Ուկրաինայում թունավոր նյութեր է փորձարկում զինվորականների և հոգեկան հիվանդների վրա. ՌԴ ՊՆ

Պենտագոնը Ուկրաինայում պաթոգեններ և թունավոր նյութեր է փորձարկում զինվորականների և հոգեկան հիվանդների վրա։ Այս մասին հայտարարել է Ռուսաստանի Զինված ուժերի ճառագայթային, քիմիական և կենսաբանական պաշտպանության զորքերի ղեկավար, գեներալ-լեյտենանտ Իգոր Կիրիլովը, գրում է Gazeta-ն։

Նրա խոսքով՝ Ուկրաինայում հատուկ ռազմական գործողության ժամանակ ռուսական զորքերը տվյալներ են հայտնաբերել ուկրաինական տարածքում ԱՄՆ պաշտպանության նախարարության կողմից կենսաբանական ծրագրերի իրականացման վերաբերյալ։ Գեներալ-լեյտենանտը նշել է, որ ամերիկացիները խախտել են Կենսաբանական և թունավոր զենքերի մշակման, արտադրման և պահեստավորման արգելման և դրանց ոչնչացման մասին կոնվենցիայի առաջին և չորրորդ մասերը:

Կիրիլովը պնդում է, որ ուկրաինական կենսաբանական լաբորատորիաներում հայտնաբերված փաստաթղթերն ապացուցում են, որ ռուսական սահմանի մոտ կենսաբանական զենք է մշակվել։ Դա հաստատում են աշխատանքի պայմանագրերը, որոնք հաստատվել են Պենտագոնի կապալառուների՝ Բլեք և Վիչի և Մետաբիոտայի գրանցման քարտերով, հայտնել են զինվորականները։

Կիրիլովը նաև ասել է, որ ամերիկյան իշխանությունները ամերիկացիներից թաքցնում են Պենտագոնի Զանգվածային ոչնչացման զենքի սպառնալիքի նվազեցման գրասենյակի աշխատանքը՝ զեկույցներից ջնջելով Ուկրաինայում հետազոտությունների արդյունքների տվյալները։