Քրդերը դադարեցրել են Սիրիայում ԻՊ-ի դեմ պայքարը՝ Թուրքիայի գործողության պատճառով

«Սիրիայի դեմոկրատական ​​ուժեր» քրդական դաշինքը, որը գործում է Սիրիայի հյուսիս-արևելքում, հայտարարել է «Իսլամական պետություն» ահաբեկչական խմբավորման զինյալների դեմ դիմադրությունը դադարեցնելու մասին։ Շաբաթ օրը՝ նոյեմբերի 26-ին, հայտնում է ՏԱՍՍ-ը՝ հղում անելով Al-Hadas հեռուստաալիքին։

Դաշինքի խոսնակն ասել է, որ «Սիրիայի դեմոկրատական ​​ուժեր»-ը զբաղված է թուրքական հարձակումները հետ մղելով, և եթե ԻՊ-ն վերսկսի իր դիվերսիաները, դրա պատասխանատվությունը կրելու են այն երկրները, որոնք լռում են Թուրքիայի գործողությունների մասին՝ նշելով, որ «Սիրիայի դեմոկրատական ​​ուժեր»-ը չի դադարում համակարգումն այս տարածաշրջանում գտնվող միջազգային հակաահաբեկչական կոալիցիայի ուժերի հետ։

Նոյեմբերի 20-ին և 21-ին Թուրքիան ավիահարվածներ է հասցրել Սիրիայի և Իրաքի տարածքներին «Ճանկ-սուր» գործողության շրջանակում։ Անկարան գործողությունների նպատակ է անվանել Ստամբուլում վերջերս տեղի ունեցած ահաբեկչությանը մասնակից քուրդ զինյալների բազաների ոչնչացումը։ Թուրքիայի նախագահ Ռեջեփ Թայիփ Էրդողանը նաև մեղադրել է Ռուսաստանին սիրիական ճգնաժամի կարգավորման հարցում ստանձնած պարտավորությունների նկատմամբ անպատասխանատու վերաբերմունքի մեջ։