Հաքերները VIN կոդով մեքենա գողանալու միջոց են գտել
ԱյլԷնտուզիաստները հայտնաբերել են կրիտիկական խոցելիություն հեռահաղորդակցական համակարգում, որը ներկառուցված է հանրաճանաչ ապրանքանիշերի մեքենաների մեջ: Այս մասին հայտնում է Gizmodo հրատարակությունը։
Հայտնի հաքեր Սեմ Քարրին իր Twitter-ում խոսել է հայտնաբերված խոցելիության մասին, որը թույլ է տալիս մուտք գործել մեքենաներ։ Կրիտիկական խնդիր է հայտնաբերվել Sirius XM հեռահաղորդակցական համակարգում՝ նախատեսված տրանսպորտային միջոցների հեռակառավարման համար։ Ըստ Քարիի՝ հեռահաղորդակցական ենթակառուցվածքում առկա սխալը թույլ է տալիս հեռակա կարգով որոշել մեքենայի գտնվելու վայրը, անջատել սիգնալիզացիան և ստանալ վարորդի մասին անձնական տվյալներ։
Մասնագետը հայտնել է, որ հատուկ տեխնիկայի օգնությամբ հարձակվողը կարող է միանալ SiriusXM համակարգին, որն օգտագործվում է Honda, Nissan, Infiniti եւ Acura մեքենաներում։ Հեռավոր հաքերային հարձակման համար հաքերը կարող է օգտագործել մեքենայի VIN կոդը՝ մեքենայի անհատական ծածկագիրը: Այն սովորաբար գտնվում է դիմապակու վրա:
Sirius XM ընկերության ներկայացուցիչները, որոնք զբաղվում են համանուն հեռահաղորդակցական համակարգի մշակմամբ, խոստովանել են խոցելիության մասին։ Ըստ փորձագետների՝ համակարգի խախտումը փակվել է հաշվետվությունը ստանալուց հետո 24 ժամվա ընթացքում։