Չարլզ III-ը և արքայազն Ուիլյամը «ճգնաժամային բանակցություններ» կունենան

Արքայազն Ուիլյամն ու Քեյթ Միդլթոնը վերադառնում են Մեծ Բրիտանիա՝ Չարլզ III թագավորի հետ «ճգնաժամային բանակցությունների» համար։ Այս մասին հայտնում է Mirror-ը։

Բուքինգհեմյան պալատի բարձրաստիճան աղբյուրները պարբերականին հայտնել են, որ Լոնդոնից վերադառնալուց անմիջապես հետո արքայազն Ուիլյամը կհանդիպի իր հոր՝ թագավոր Չարլզ III-ի հետ։ «Ճգնաժամային բանակցությունների» թեման կլինի արքայազն Հարիի և Մեգան Մարքլի մասին պատմող վավերագրական սերիալի առաջիկա թողարկումը, որի առաջին երեք դրվագները կցուցադրվեն դեկտեմբերի 8-ին՝ Netflix-ով։ Հաղորդվում է, որ Ուելսի միապետի, արքայազնի և արքայադստեր ավագ օգնականները ծրագրում են դիտել բոլոր երեք դրվագները, որպեսզի արագ արձագանքեն Հարրիի և Մեգանի կողմից միապետության դեմ ուղղված հետագա վնասաբեր մեղադրանքներին:

Մեգան Մարքլը և արքայազն Հարին հայտարարեցին իրենց վավերագրական ֆիլմի թողարկման մասին դեկտեմբերի 1-ին՝ Ուելսի արքայազնի և արքայադստեր՝ Բոստոն այցի ժամանակ։ Պալատի պաշտոնյաներն ասում են, որ այդ ամսաթվերին թրեյլերը ցուցադրելու որոշումը «համակարգված արշավ է»՝ ստվերելու համար Ուելսի արքայազնի և արքայադստեր մեծ այցը ԱՄՆ: