ԱԱ-2022․ Նիդեռլանդների թիմը պարտության մատնեց ամերիկացիներին

Ֆուտբոլի աշխարհի առաջնության 1/8 եզրափակիչի խաղում Նիդեռլանդների թիմը 3:1 հաշվով պարտության մատնեց ԱՄՆ-ի հավաքականին եւ դուրս եկավ քառորդ եզրափակիչ։

Լուի վան Գալի գլխավորած թիմից 10-րդ րոպեին Իտալիայի չեմպիոն Միլանի «Ինտերի» 26-ամյա պաշտպան Դենզել Դյումֆրիսի փոխանցումից հետո խաղի հաշիվը բացեց Իսպանիայի փոխչեմպիոն «Բարսելոնայի» 28-ամյա հարձակվող Մեմֆիս Դեպայը (տեսանյութ)։

Ավելացված առաջին րոպեին հոլանդացիների առավելությունը կրկնապատկեց Ամստերդամի «Այաքսի» 32-ամյա կիսապաշտպան Դեյլի Բլինդը (տեսանյութ)։ Գոլային փոխանցման հեղինակը դարձյալ Դյումֆրիսն էր։

Առաջին խաղակեսում Նիդեռլանդների թիմն այդ երկու հարվածը կատարել Լոնդոնի «Արսենալի» 28-ամյա դարպասապահ Մեթ Թյորների պաշտպանած դարպասին։ Ամերիկացիները նույնպես երկու հարված կատարեցին դարպասին, սակայն հոլանդական «Հերենվեյնի» 28-ամյա դարպասապահ Անդրիս Նոպերտը սեյվեր կատարեց։

76-րդ րոպեին հաշվի տարբերությունը կրճատեց ԱՄՆ-ի հավաքականի եւ թուրքական «Անթալյասպորի» 24-ամյա հարձակվող Հաջի Ռայթը, որին գոլային փոխանցում կատարեց Լոնդոնի «Չելսիի» 24-ամյա կիսապաշտպան Կրիստիան Պուլիշիչը (տեսանյութ)։

4 րոպե անց երկու գոլի առավելությունը վերականգնեց Դենզել Դյումֆրիսը (տեսանյութ)։ Այս անգամ գոլային փոխանցումը կատարեց Դեյլի Բլինդը։

Նիդեռլանդների հավաքականը A խմբի առաջին տեղից է դուրս եկել փլեյ-օֆֆ՝ հետ թողնելով Սենեգալին, Էկվադորին եւ Քաթարին։ ԱՄՆ-ի թիմը B խմբում գրավել էր երկրորդ տեղը՝ առաջ թողնելով Անգլիայի հավաքականին եւ գերազանցելով Իրանին եւ Ուելսին։

Նիդեռլանդների հավաքականը քառորդ եզրափակիչում կմրցի Ամերիկայի գավաթակիր Արգենտինայի եւ Ավստրալիայի դիմակայության հաղթողի հետ։