ԱՀԿ–ն հայտարարել է խոլերայի տարածման բարձր ռիսկի մասին
Հասարակություն
Աշխարհում խոլերայի տարածման ռիսկը գնահատվում է շատ բարձր։ Այս մասին հայտնում է ՏԱՍՍ-ը՝ հղում անելով Առողջապահության համաշխարհային կազմակերպության (ԱՀԿ) զեկույցին։
Կազմակերպությունում հայտնել են, որ 2023 թվականի սկզբից մինչև հուլիս խոլերայի բռնկումներ են գրանցվել 25 երկրներում, 2022 թվականի նույն ժամանակահատվածում հիվանդությունն ի հայտ է եկել միայն 16 երկրում։ Աշխարհում աճում է հիվանդության բռնկումների թիվը, ինչպես նաև դրանց աշխարհագրությունը։ Միևնույն ժամանակ, խոլերայի դեմ պայքարի համար բավարար ռեսուրսներ և պատվաստանյութեր չկան, նշել են ԱՀԿ-ից։ Բռնկման մասին վերջին հաղորդագրությունը գրանցվել է Հնդկաստանից:
Հիվանդության տարածման գործոնների թվում մասնագետները անվանել են մայիսից հոկտեմբեր տեւողությամբ անձրևային սեզոնը Արևմտյան Աֆրիկայում, ինչպես նաև Էլ Նինյո երևույթը, որի պատճառով տեղումները սովորաբար ավելանում են Հարավային Ամերիկայի հարավում և ԱՄՆ-ում, ինչպես նաև Աֆրիկյան եղջյուրում և Կենտրոնական Ասիայում: Կազմակերպությունը նշել է, որ տեղումների, ջրհեղեղների և երաշտի ավելացումը կարող է սահմանափակել մաքուր ջրի և առողջապահական ռեսուրսների հասանելիությունը: Բացի այդ, Էլ Նինյոյի պատճառով առաջացած ջրի բարձր ջերմաստիճանը կարող է նպաստել խոլերայի վիբրիոնի տարածմանը:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
