Ինչպես է գարեջուրն ազդում մարդու առողջության վրա
Այլ
Սննդաբան Սոֆյա Էլիաշևիչը զգուշացրել է գարեջրի սիրահարներին իրենց կազմվածքի և առողջության վրա այս ըմպելիքի բացասական ազդեցության մասին։ Նրա խոսքերը մեջբերում է Life.ru-ն։
Էլիաշևիչը գարեջրի հաճախակի օգտագործումն անվանել է ներքին օրգանների շուրջ աղիքային ճարպերի կուտակման պատճառ։ Նրա խոսքով՝ փոքր քանակությամբ այն անհրաժեշտ է օրգանիզմի բնականոն գործունեության համար, սակայն դրա ավելցուկը սպառնում է տարբեր հիվանդությունների զարգացմանը։
Բժիշկը պարզաբանել է, որ տղամարդկանց մոտ գոտկատեղի հատվածի ներքին օրգանների ճարպը սովորաբար սկսում է կուտակվել 30-35 տարի հետո՝ ակտիվության պակասի և վատ սնվելու, ալկոհոլի և քաղցր ըմպելիքների չարաշահման պատճառով։ Այսպես կոչված գարեջրային փորը բազմաթիվ հիվանդություններ է առաջացնում, այդ թվում՝ սրտի և պոտենցիայի հետ կապված խնդիրներ, զգուշացրել է Էլիաշևիչը։ «Երբ տղամարդկանց մոտ գոտկատեղի շրջագիծը գերազանցում է 102 սանտիմետրը, իսկ կանանցը՝ 88 սանտիմետրը, խոսքը գնում է ներքին օրգանների գիրության կրիտիկական մակարդակի մասին։ Սա հղի է այնպիսի բարդություններով, ինչպիսիք են սրտանոթային հիվանդությունները, 2-րդ տիպի շաքարախտը, նյութափոխանակության հետ կապված լյարդի ճարպային հիվանդությունը և էրեկտիլ դիսֆունկցիան»,- ասել է նա:
ՈՒՂԻՂ ԵԹԵՐ
Ամենադիտված 
Մոսկվայում հայտարարվել է վտանգի «դեղին» աստիճան
