Թրամփի հատուկ բանագնացը կրկին կայցելի Ռուսաստան
Աշխարհ
Մերձավոր Արևելքի հարցերով ԱՄՆ նախագահի հատուկ բանագնաց Սթիվ Ուիթքոֆը ծրագրում է այս շաբաթ այցելել Մոսկվա, հայտարարել է Ռուսաստանի առաջնորդի օգնական Յուրի Ուշակովը, փոխանցում է «Ինտերֆաքս»-ը ։
«Սպասում ենք»,- այս մասին լրագրողների հարցին պատասխանել է նա։
The Wall Street Journal-ը (WSJ), վկայակոչելով արևմտյան պաշտոնյաներին , նախօրեին հաղորդել էր , որ Ուիթքոֆը կարող է կրկին այցելել Ռուսաստան շաբաթվա վերջին Լոնդոնում ԱՄՆ, Ուկրաինայի և Եվրոպայի ներկայացուցիչների հանդիպումից հետո: Այսպիսով, ապրիլի 23-ին նա ԱՄՆ պետքարտուղար Մարկո Ռուբիոյի և նախագահի հատուկ բանագնաց Քիթ Քելլոգի հետ միասին կմասնակցի Ուկրաինայի հակամարտության կարգավորման բանակցությունների երկրորդ փուլին։ Հանդիպմանը կմասնակցեն նաև Ֆրանսիայի, Գերմանիայի, Մեծ Բրիտանիայի և Ուկրաինայի արտաքին գործերի նախարարներն ու ազգային անվտանգության խորհրդականները, գրում է Bloomberg-ը ՝ հղում անելով աղբյուրներին։
Ապրիլի 17-ին Փարիզում կայացել է առաջին փուլը, որի ընթացքում Ռուբիոն և Ուիթքոֆը հանդիպել են Ֆրանսիայի նախագահ Էմանուել Մակրոնի հետ։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
