Կոշի հատվածում հայտնաբերվել են մարդու գանգ ու ոսկրային հատվածներ. Shamshyan
Հասարակություն
Այսօր՝ մարտի 11-ին, առեղծվածային դեպք է տեղի ունեցել Արագածոտնի մարզում: Ժամը 14:30-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Աշտարակի բաժնում և ՀՀ ՆԳՆ ոստիկանության պարեկային ծառայության Արագածոտնի մարզի գումարտակում օպերատիվ տեղեկություններ են ստացվել, որ Երևան-Գյումրի ավտոճանապարհի Կոշ վարչական բնակավայրի տարածքում հողային աշխատանքներ կատարելիս տրակտորիստը մարդկային ոսկորներ ու գանգ է հայտնաբերել:
Հայտնել է ֆոտոլրագրող Գագիկ Շամշյանը։
Ոստիկաններն ու պարեկները նշված վայրում հայտնաբերել են մարդու ոսկորներ ու գանգ: Տարածքը պարեկներն ու ոստիկանները սահմանազատել են:
Այս պահին ոստիկանները, պարեկներն ու փրկարարները սպասում են, մինչև դեպքի վայր կժամանեն ՀՀ քննչական կոմիտեի Արագածոտնի մարզային քննչական վարչության քննիչները և քննչական կոմիտեի փորձաքրեագետը, որպեսզի ոսկրային հատվածներն ու գանգը տեղափոխեն անվտանգ վայր:
Դեպքի փաստով Արագածոտնի մարզային քննչական վարչությունում «սպանություն» հատկանիշներով նախաձեռնվել է քրեական վարույթ:
Քննիչի որոշմամբ նշանակվել է դատաբժշկական փորձաքննություն:
Այս պահին հնարավոր չէ պարզել ո՛չ ինքնությունը, ոչ էլ տղամարդ է եղել, թե կին:
ՈՒՂԻՂ ԵԹԵՐ
Ամենադիտված 
Հարսը թունավորել է ամուսնուն և նրա ծնողներին հարսանիքից երկու օր անց
