ԱՄՆ-ն ու Ուկրաինան պայմանավորվել են հանքային ռեսուրսների մասին համաձայնագրի շուրջ

Միացյալ Նահանգները և Ուկրաինան պայմանավորվել են համապարփակ համաձայնագիր կնքել ուկրաինական հանքային պաշարների զարգացման վերաբերյալ, ասվում է ուկրաինական և ամերիկյան պատվիրակությունների հանդիպման արդյունքներով համատեղ հայտարարության մեջ, որը հրապարակվել է Վլադիմիր Զելենսկու գրասենյակի կողմից։

«Երկու երկրների նախագահները պայմանավորվել են հնարավորինս շուտ համապարփակ համաձայնագիր կնքել Ուկրաինայի կարևոր հանքային պաշարների զարգացման վերաբերյալ՝ Ուկրաինայի տնտեսությունն ամրապնդելու և Ուկրաինայի երկարաժամկետ բարգավաճումն ու անվտանգությունն ապահովելու համար»,- РИА Новости-ի փոխանցմամբ՝ասվում է համատեղ հայտարարության մեջ։

ԱՄՆ նախագահ Դոնալդ Թրամփը փետրվարի 28-ին Սպիտակ տանը նախատել է Զելենսկիին, երբ նա ժամանել էր ուկրաինական հանքային ռեսուրսների համատեղ շահագործման մասին համաձայնագիր ստորագրելու։ Ամերիկացի առաջնորդը Կիևի ռեժիմի ղեկավարից պահանջել է համաձայնել զինադադարին և դադարեցնել Ռուսաստանի նախագահ Վլադիմիր Պուտինին քննադատելը։ ԱՄՆ փոխնախագահ Ջեյ Դի Վենսը Զելենսկուն անվանեց դեմոկրատների համար անշնորհակալ քարոզիչ, երբ նա սկսեց արդարացնել իր գործողությունները, մեղադրել Ռուսաստանին և նույնիսկ սպառնալ Միացյալ Նահանգներին, որ իրենք կզգան հակամարտության հետևանքները, թեև նրանց բաժանում է օվկիանոսը։ Արդյունքում ուկրաինական պատվիրակությանը խնդրել են լքել Սպիտակ տունը, իսկ համաձայնագիրը չի ստորագրվել։

Թարգմանությունը՝ Մանուել Թամազյանի