«Դուք միակն եք, ով կարող է փրկել հայ պատանդներին»․ Ամերիկյան քրիստոնյա առաջնորդների կոալիցիայի նամակը՝ Թրամփին

Ամերիկյան քրիստոնյա առաջնորդների կոալիցիան նամակ է հղել նախագահ Դոնալդ Թրամփին՝ կոչ անելով վճռական քայլեր ձեռնարկել Ադրբեջանի իշխանությունների կողմից պահվող 24 քրիստոնյա պատանդների՝ 23 հայ քրիստոնյաների և մեկ կրոնափոխ ադրբեջանցի քրիստոնյայի ազատ արձակման համար:

«Մենք հավատում ենք, որ դուք միակն եք, ով կարող է փրկել այս քրիստոնյա պատանդներին: Մոտ երկու տարի առաջ Ադրբեջանը էթնիկ զտումներ է իրականացրել՝ ավելի քան 120,000 հայ քրիստոնյաների վտարելով իրենց նախնիների տներից, մինչդեռ Բայդենի վարչակազմը հրաժարվել է քայլեր ձեռնարկել:

Այդ ժամանակվանից ի վեր 23 քրիստոնյա հայ պատանդներ և մեկ կրոնափոխ ադրբեջանցի քրիստոնյա ենթարկվել են ամենօրյա խոշտանգումների։ Կարմիր Խաչի միջազգային կոմիտեին՝ միակ կազմակերպությանը, որը թույլ է տվել ստուգել նրանց բարեկեցությունը, վերջին օրերին հրամայվել է լքել երկիրը»,–ասվում է նամակում։

Նամակը ստորագրել են՝

Դոկտ. Ալվեդա Քինգ՝ «Ամերիկյան երազանք» կենտրոնի նախագահ

Պատվարժան Միշել Բախման՝ Ռոբերտսոնի կառավարման դպրոցի դեկան

Սոհրաբ Ահմարի՝ UnHerd պորտալի խմբագիր, ԱՄՆ

Ռոդ Դրեհեր՝ լրագրող և գրող

Թրոյ Միլլեր՝ Ազգային կրոնական հեռարձակողների միության նախագահ և գործադիր տնօրեն

Դեսպան Սեմ Բրաունբեկ` Միջազգային կրոնական ազատության (IRF) գագաթնաժողովի համանախագահ

Շոն Ֆոյխտ` միսիոներ, երաժիշտ, ակտիվիստ, հեղինակ և խոսնակ

Ուիլյամ Վուլֆ՝ Բապտիստական ​​առաջնորդության կենտրոնի գործադիր տնօրեն

Բոբ Վանդեր Պլատս՝ The FAMiLY Leader կազմակերպության նախագահ և գործադիր տնօրեն

Դեդե Լաուգեսեն՝ «Փրկե՛ք հալածյալ քրիստոնյաներին» կազմակերպության գործադիր տնօրեն

Սյուզան Բոք Գրիշման՝ Mercury One բարեգործական ընկերության և The Nazarene հիմնադրամի գործադիր տնօրեն

Դեսպան Ալբերտո Ֆերնանդես՝ Մերձավոր Արևելքի Մեդիա հետազոտությունների ​​ինստիտուտի փոխնախագահ

Դոկտ. Ջիմ Գարլոու՝ Well Versed հոգևոր ծառայության գլխավոր տնօրեն

Վեհաշնորհ Ռոզմարի Շինդլեր Գարլոու՝ «Շինդլերի տապանը» (Schindler’s Ark)  կազմակերպության գործադիր տնօրեն

Դոկտ. Դեյվիդ Քարրի՝ ԱՄՆ Միջազգային կրոնական ազատության հանձնաժողովի հանձնակատար (USCIRF)

Նադին Մաենզա՝ Միջազգային կրոնական ազատության (IRF) քարտուղարության նախագահ

Դենիզ Բուբեկ՝  «Փրկե՛ք Հայաստանը» (Save Armenia) ընկերակցության Խորհրդի անդամ

Դոկտ. Փոլ Մյուրեյ՝ Գլոբալ խաղաղության հիմնադրամի միջազգային փոխնախագահ։