Գիտնականները պարզել են՝ որքան ժամանակ կարելի է հեռուստացույց դիտել՝ չվնասելով սիրտը

Հոնկոնգի համալսարանի գիտնականները պարզել են, որ սրտի կաթվածից, ինսուլտից և աթերոսկլերոզից պաշտպանվելու համար պետք է հեռուստացույց դիտելու ժամանակը սահմանափակել օրական մեկ ժամով։ Հետազոտության արդյունքները հրապարակվել են Ամերիկյան սրտի ասոցիացիայի (JAHA) ամսագրում:

Աթերոսկլերոզը առաջանում է զարկերակների պատերին ճարպային «սալիկների» առաջացման պատճառով։ Անոթների նեղացումը կարող է առաջացնել սրտի հիվանդություն, ինսուլտ և ծայրամասային զարկերակային հիվանդություն:

2-րդ տիպի շաքարային դիաբետը և նստակյաց կենսակերպը աթերոսկլերոտիկ սրտանոթային հիվանդությունների հիմնական ռիսկային գործոններն են: Մարդիկ հատկապես շատ ժամանակ են անցկացնում հեռուստաէկրանների առջև նստած։

Պարզելու համար, թե որքան ժամանակ կարող եք հեռուստացույց դիտել՝ չվնասելով ձեր առողջությանը, գիտնականները հետազոտություն են անցկացրել, որին մասնակցել է 2-րդ տիպի շաքարախտի նկատմամբ տարբեր գենետիկ հակումներ ունեցող 346 916 մեծահասակ բրիտանացի:

Արդյունքները ցույց են տվել, որ նրանք, ովքեր օրական երկու ժամից ավելի են տրամադրում հեռուստացույց դիտելուն, 12%-ով ավելի շատ են տառապում սրտանոթային աթերոսկլերոտիկ հիվանդությամբ: Այս ազդեցությունը նկատվել է անկախ շաքարախտի գենետիկական ռիսկից:

Այն նաև պարզել է, որ շաքարախտի հակված մասնակիցների մոտ աթերոսկլերոզով հիվանդանալու վտանգ չկա, եթե նրանք օրական մեկ ժամից ոչ ավելի են հեռուստացույց դիտել:

Գիտնականները նշում են, որ նստելու ժամանակի կրճատումը կարևոր գործիք է հանրային առողջության բարելավման համար: Նման առողջ սովորությունը կարող է չեզոքացնել «վատ գենետիկայի» ազդեցությունը։