Մ23 ԵԱ. Հայաստանի 5 ներկայացուցիչներ պարտվեցին

 Ալբանիայի մայրաքաղաք Տիրանայում մարտի 12-ին մեկնարկած հունահռոմեական ոճի ըմբշամարտի Եվրոպայի մինչեւ 23 տարեկանների առաջնությունում առաջին մրցումային օրը պայքարի մեջ մտած Հայաստանի 5 ներկայացուցիչները պարտվեցին:

Արմեն Բաբալարյանի գլխավորած հավաքականից մրցագորգ դուրս եկած Հայաստանի 5 ներկայացուցիչների միայն մեկ հաղթանակ ունեցավ 2022 թ. երիտասարդների աշխարհի չեմպիոն Վիգեն Նազարյանը:

87 կգ քաշային կարգի որակավորման փուլում Նազարյանը ժամանակից շուտ 7:0 հաշվով պարտության մատնեց ադրբեջանցի Ջոջու Սամադովին։

Քառորդ եզրափակիչում երիտասարդների աշխարհի չեմպիոնը 3:7 հաշվով պարտություն կրեց Ֆրանսիայի ներկայացուցիչ Վլադիմերի Կարչաիձեից:

55 կգ քաշային Արայիկ Թոպալյանը մեկնարկային գոտեմարտում 0:10 հաշվով պարտվեց վրացի Կոբա Կարումիձեին:

63 կգ քաշային Դավիթ Ջոթյանը որակավորման փուլում 1:4 հաշվով պարտվեց Մոլդովայի  ներկայացուցիչ Վիտալի Էրիոմենկոյին:

77 կգ քաշային Մարտիկ Պետրոսյանը 4:9 հաշվով պարտվեց միջազգային ֆեդերացիայի դրոշի ներկքո հանդես եկող, բելառուս Իլյա Վալեւսկիին:

130 կգ քաշային Ռազմիկ Խուրդյանը մեկնարկային քառորդ եզրափակիչում 0:2 հաշվով պարտվեց ուկրաինացի Միխայլո Վիշնեւվիցկիին:

Կիսաեզրափակիչի գոտեմարտերից հետո հայտնի կդառնա թե Հայաստանի ներկայացուցիչներից ովքեր սփոփիչ գոտեմարտեր անցկացնելու հնարավորություն կունենան: