Հերթը Ռուսաստանինն է. ԱՄՆ պաշտոնյաները Մոսկվա են մեկնում հրադադարի առաջարկով. Թրամփ (տեսանյութ)
Տեսանյութեր30-օրյա զինադադարի հարցում, որի շուրջ պայմանավորվածություն է ձեռք բերվել Սաուդյան Արաբիայում ԱՄՆ-ի և Ուկրաինայի ներկայացուցիչների հանդիպման ժամանակ, այժմ դա կախված է Ռուսաստանից։ Eadaily-ի փոխանցմամբ՝ այս մասին Սպիտակ տանը լրագրողներին հայտարարել է ԱՄՆ նախագահ Դոնալդ Թրամփը։
«Մենք ունենք մարդիկ, ովքեր հենց հիմա գնում են Ռուսաստան։ Հիմա հերթը Ռուսաստանինն է»,- ասել է Թրամփը, ինչպես մեջբերում է UNIAN-ը։
ԱՄՆ-ն ունի Ուկրաինայում հրադադարի պայմանագրի կեսը, հիմա մեզ անհրաժեշտ է, որ Ռուսաստանը համաձայնի դրան, ընդգծել է Թրամփը։
ԱՄՆ-ը համոզել է Ուկրաինային համաձայնել հրադադարի, այժմ մնում է տեսնել՝ կհաջողվի՞ համոզել ռուսներին, իր հերթին ասել է փոխնախագահ.Վենսը։
«Մենք կարծում ենք, որ շատ լավ իրավիճակում ենք, երբ ուկրաինացիները համաձայնել են զինադադարի։ Հիմա տեսնենք՝ կարո՞ղ ենք համոզել ռուսներին համաձայնվել դրան»,- նշել է նա։
Թրամփն ասել է, որ լծակներ ունի ոչ միայն Ուկրաինայի, այլև Ռուսաստանի վրա։
«Կան բաներ, որոնք մենք կարող էինք անել ֆինանսապես, որոնք շատ վատ են Ռուսաստանի համար»,- ընդգծել է նա՝ հույս հայտնելով, որ «սրա կարիքը չի լինի», և Մոսկվան կհամաձայնի զինադադարի։
Թարգմանությունը՝ Մանուել Թամազյանի
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
