Այս տարի կապահովագրվի նաև ծիրանը և խաղողը

2025 թվականին կապահովագրվեն 13 մշակաբույս՝  խաղող, ծիրան,  դեղձ, կարտոֆիլ, սալոր, խնձոր, բալ, կեռաս, ձմերուկ, սեխ, ցորեն, գարի վարսակ, 4 ռիսկերից՝  գարնանային ցրտահարություն, երաշտ, կարկահատարություն, հրդեհ։ Կառավարության նիստում «Գյուղատնտեսության ոլորտում ապահովագրական համակարգի ներդրման փորձնական ծրագրի» քննարկմանն ասաց էկոնոմիկայի նախարար Գևորգ Պապոյանը։

Նա հայտնեց, որ այս տարի որոշակի փոփոխություններ են կատարվել ապահովագրվող մշակաբույսերի կազմում. եթե նախորդ տարի ծիրանը և խաղողը չէին ապահովագրում, ապա այս տարի կապահովագրվի։

«Կլինեն մշակաբույսներ, որոնց համար բոլոր ռիսկերը հասանելի չեն լինի, մասնավորապես  հացահատիկային մշակաբույսերի համար՝ ցորեն, գարի, վարսակ, հասանելի կլինի միայն երաշտի ռիսկից ապահովագրությունը»,- ասաց Պապոյանը։

Նա հայտնեց, որ գյուղատնտեսության ոլորտում ապահովագրական ծրագրին մասնակցում է երեք ապահովագրական ընկերություն՝ «Ինգո Արմենիա», «Լիգա Ինշուրանս», «Սիլ ինշուրնաս», աշխատանքներ են տանում մյուս ընկերությունները ևս հնարավարության դեպքում մասնակցեն։

Նիկոլ Փաշինյանն ասաց, որ այսօր ջանք են գործադրում Հայաստանում գյուղապահովագրության համակարգը փրկել. «Ինչու ենք ուզում փրկել, որովհետև այդ ապահովագրության համակարգի ներդրումը բերել է անառողջ պրոցեսների։ Պարզվում է, տեղեր կան, մարդիկ գիտեն ամեն տարի կարկուտ է գալիս, գնում ապահովագրում են»։