Սենատի դեմոկրատները դեմ են արտահայտվել ԱՄՆ կառավարության ֆինանսավորմանը

ԱՄՆ Սենատի դեմոկրատ առաջնորդ Չակ Շումերը հայտարարել է, որ իր գործընկերները կհրաժարվեն ընդունել հանրապետականների առաջարկած և Ներկայացուցիչների պալատի կողմից ընդունված օրինագիծը, որը երկարաձգի կառավարության ֆինանսավորումը մինչև սեպտեմբերի 30-ը, հաղորդում են ամերիկյան լրատվամիջոցները:

«Կառավարության ֆինանսավորումը պետք է լինի երկկուսակցական խնդիր, բայց հանրապետականներն ընտրեցին կուսակցական ճանապարհ՝ մշակելով իրենց բանաձևը՝ առանց Կոնգրեսի դեմոկրատների որևէ ներդրման», - ասել է Շումերը Սենատի ելույթում:

Դեմոկրատները պահանջում են մինչև ապրիլի 11-ը դադարեցնել ֆինանսավորման վերաբերյալ բանաձևը, որը սենատորներին ավելի շատ ժամանակ կտա երկկուսակցական գործարքի շուրջ բանակցելու համար:

Հանրապետականները Սենատում զբաղեցնում են 53 տեղ, սակայն իրենց օրինագիծն ընդունելու համար նրանց անհրաժեշտ է 60 ձայն։