Որտեղ ստուգումներ կանցնեն զորակոչիկները․ նախարարը մանրամասնել է

Զորակոչերի փորձաքնության մասով երկու պիլոտ ենք իրականացնում երկու մարզում՝ Լոռիում և Շիրակում՝ փոխգործակցության սկզբունքով, լրագրողների հետ զրույցում հայտարարեց Առողջապահության նախարար Անահիտ Ավանեսյանը։

«Միասնական աշխատանքի շնորհիվ անելու ենք այնպես, որպեսզի մեր զորակոչիկները ստիպված չլինեն գալ, հասնել Երևան, այստեղ գումար, ժամանակ հավելելյալ ծախսեն և անցնեն  համապատասխան ստուգումները։ Մենք գնահատել ենք համապատասխան հնարավորությունները՝ թե՛ սարքավորումների, թե՛ մասնագիտական»,-նշեց նա։

 Նախարարի խոսքով՝ ծրագրի հաջող ընթացքի պարագայում, հետագայում ընդհանուր փոփոխություններ կիրականացնեն։

«Լինելու ենք խստապահանջ, աշխատում ենք մեր բժշկական կենտրոնների հետ։ Պետք է որ ամեն բան լավ անցնի»,-հավելեց նա։