Դժգոհում եք, որ ԵՄ դիտորդները դուրս են գալու, բայց ժամանակին դեմ էիք դրանց տեղակայմանը. Միրզոյանը՝ ընդդիմությանը
Քաղաքական
ԱԺ-ում կառավարության ծրագրի 2024-ի կատարողականի քննարկման ժամանակ ԱԳ նախարար Արարատ Միրզոյանն անդրադարձավ ԵՄ դիտորդների ներկայությանը ՀՀ-ում։
«ԵՄ դիտորդական առաքելությունը տեղակայվել է մեր առաջարկությամբ, մեր խնդրանքով, որ նպատակն է ապահովել, նպաստել Հայաստանի և Ադրբեջանի միջև սահմանի կայունությանը: Ոչ ոք չի կարող ժխտել, որ տեղակայումից ի վեր իսկապես այս առաքելությունը ծառայել է այս նպատակին, իսկապես առաքելությունը ստացված է: Միաժամանակ այն պահին, երբ կստորագրվի այդ համաձայնագիրը, կվավերացվի և ուժի մեջ կմտնի, կայունությունը և խաղաղությունը այլևս շատ ինստիտուցիոնալ կդառնան:
Ես տեսնում եմ, որ ընդդիմադիր գործընկերները դժգոհում են, բայց նույն գործընկերները դժգոհում էին ընդհանրապես եվրոպացիներին բերելուց: ԵՄ դիտորդական առաքելության տեղակայմանը խստորեն ընդդիմացող և դրանից դժգոհող և այժմ ԵՄ դիտորդական առաքելությանը չափազանց հոգատար վերաբերվող և կարևորող մեր գործընկերներին ուզում եմ վստահեցնել, որ մենք, երբ որ այս համաձայնագիրը կստորագրվի, կվավերացվի և ուժի մեջ կմտնի, մեր ԵՄ գործընկերների հետ քաղաքացիական առաքելության հետ համագործակցության մասով ընդունելի փոխշահավետ լուծումների կգանք»,- ասաց նա:
ՈՒՂԻՂ ԵԹԵՐ
Ամենադիտված 
«Ես չեմ թաքցնում, որ փոքրիկ միջամտություններ եմ անում, շատ վատ կլիներ, որ ես ինձ չհետևեի». Ալլա Լևոնյան
