ԱՄՆ նախագահի հատուկ բանագնացը մեկնել է Մոսկվայից

ԱՄՆ նախագահի հատուկ բանագնաց Սթիվեն Ուիթկոֆն արդեն լքել է Մոսկվան։ Այս մասին հայտնում է ՏԱՍՍ-ը՝ վկայակոչելով աղբյուրին։

«Նա մեկնեց», - ասել է գործակալության աղբյուրը։

Մարտի 13-ին Ուիթկոֆի ինքնաթիռը վայրէջք է կատարել Մոսկվայի «Վնուկովո» օդանավակայանում։ Gulfstream G650-ը Կատարից օդ է բարձրացել և հատել Լատվիայի և Ռուսաստանի Դաշնության սահմանը Մոսկվայի ժամանակով ժամը 11:40-ի սահմաններում։

ՌԴ նախագահի օգնական Յուրի Ուշակովը հայտնել է, որ Ուիթկոֆը մեկնել է Ռուսաստան՝ քննարկելու ոչ միայն ուկրաինական հարցը, այլև Ռուսաստանի և ԱՄՆ-ի երկկողմ հարաբերությունները։ Բացի այդ, Ռուսաստանի ղեկավարի օգնականը նշել է, որ ԱՄՆ նախագահի հատուկ բանագնացը միջնորդ չէ Վաշինգտոնի և Մոսկվայի միջև բանակցություններում։

Մարտի 11-ին Սաուդյան Արաբիայի Ջիդդա քաղաքում բանակցություններ են տեղի ունեցել ուկրաինական և ամերիկյան պատվիրակությունների միջև։ Հանդիպումից հետո Ուկրաինան հայտարարեց, որ պատրաստ է ընդունել 30-օրյա հրադադարի մասին ԱՄՆ-ի առաջարկը։ Վաշինգտոնը մտադիր էր այդ տեղեկությունը փոխանցել Մոսկվային՝ ընդգծելով, որ խաղաղության բանալին այս հարցում «փոխադարձությունն» է։