Գուտերեշը ողջունում է Բաքու-Երևան խաղաղ բանակցությունների ավարտը

ՄԱԿ-ի գլխավոր քարտուղար Անտոնիո Գուտերեշը ողջունում է խաղաղության պայմանագրի շուրջ Երևանի և Բաքվի միջև բանակցությունների ավարտը և աջակցում է կողմերի ջանքերին՝ լուծելու բոլոր չլուծված խնդիրները։ ՏԱՍՍ-ը գրում է, որ այդ մասին հայտնում է համաշխարհային կազմակերպության ղեկավարի մամուլի ծառայությունը։

«Գլխավոր քարտուղարը ողջունում է Հայաստանի և Ադրբեջանի հայտարարությունն այն մասին, որ նրանք ավարտել են բանակցությունները խաղաղ համաձայնագրի նախագծի շուրջ: Նա ոգևորված է կողմերի միջև հարաբերությունների կարգավորման ուղղությամբ ձեռք բերված առաջընթացով և հիմնավորապես աջակցում է բոլոր չլուծված խնդիրները տարածաշրջանում կայուն խաղաղության շահերից ելնելով լուծելու նրանց ջանքերին», - ասվում է ՄԱԿ-ի հայտարարության մեջ:

Մարտի 3-ին Հայաստանի արտգործնախարարությունը հայտնել է, որ խաղաղության պայմանագրի բոլոր 17 դրույթները համաձայնեցվել են Ադրբեջանի հետ, և Բաքվին առաջարկել է քննարկել դրա ստորագրման վայրն ու ժամկետը։ Ադրբեջանի ԱԳՆ-ն հայտնել է, որ Բաքուն պատրաստ է շարունակել երկխոսությունը Երևանի հետ երկկողմ հարաբերությունների կարգավորման շուրջ։