Բլոգեր Դավիթ Մանուկյանն ամուսնացել է (տեսանյութ)
ԺամանցԲլոգեր Դավան (Դավիթ Մանուկյան) Instagram-ում տեսանյութ է հրապարակել սիրելիի՝ երգչուհի Մարի Կրայմբրիի հետ գաղտնի հարսանիքից։
Հայտնի չէ, թե կոնկրետ երբ են ամուսնացել հայտնիները, սակայն պարզ է, որ երգչուհին այդ ժամանակ արդեն հղի է եղել։ Դավան տեսանյութը հրապարակել է իր 32-ամյակի կապակցությամբ։
«Սա իմ առաջին ծննդյան օրն է իմ նոր կարգավիճակում։ Այն կարգավիճակում, որի մասին երազում էի և որը ցանկանում էի ամեն տոնին։ Երազներն իսկապես իրականանում են: 32 տարեկանում ես սիրող ամուսնու և ապագա հոր կարգավիճակում եմ։ 32 տարեկանում ես լիովին երջանիկ մարդ եմ և շնորհակալ եմ բոլոր նրանց, ովքեր ներգրավված են եղել դրանում և բոլոր նրանց, ովքեր ուրախ են ինձ համար»,- գրել է Մանուկյանը։
