Նեյմարը դավաճանել է հղի կնոջը մարմնավաճառուհու հետ

Բրազիլական «Սանթոսի» ֆուտբոլիստ Նեյմարը մարմնավաճառուհու հետ դավաճանել է հղի կնոջը՝ Բրունա Բյանկարդային, հայտնում է Purepeople-ը՝ հղում անելով SBT հեռուստաալիքով հեռարձակվող Fofocalizando հաղորդմանը։

Ենթադրվում է, որ Նեյմարը ինտիմ հարաբերություններ է ունեցել Էնի Ավուադ անունով մի աղջկա հետ: Fofocalizando շոուի ժամանակ նա ներկայացել է որպես մոդել, սակայն ունի օգտահաշիվ մի կայքում, որն առաջարկում է ինտիմ ծառայություններ: Աղջիկը պնդում է, որ իրեն 3,5 հազար դոլար են առաջարկել երեկույթին մասնակցելու համար, որտեղ ներկա է եղել Նեյմարը։

Ավուադը պնդել է, որ ինքը սեռական հարաբերություն է ունեցել Նեյմարի հետ մեկ այլ մարդու ներկայությամբ, ում ինքնությունը և սեռը չեն բացահայտվում: Նեյմարի մամուլի ծառայությունը կտրականապես հերքում է, որ ֆուտբոլիստը մասնակցել է երեկույթին։ Հաղորդվում է, սակայն, որ Նեյմարի ուղղաթիռը նկատվել է երեկույթի անցկացման վայրի մոտ։ Խաղացողի շրջապատը պնդում է, որ նա ուղղաթիռը ժամանակավորապես տված է եղել ընկերոջը։