Հս․ Մակեդոնիայի գիշերային ակումբներից մեկում հրդեհի հետևանքով զոհերի թիվը հասել է 59-ի (տեսանյութ)

Կոչանի քաղաքի գիշերային ակումբներից մեկում բռնկված հրդեհի հետևանքով զոհերի թիվը հասել է 59-ի, հայտարարել է Հյուսիսային Մակեդոնիայի ներքին գործերի նախարար Պանչե Տոշկովսկին։

«Ժամը 11:30–ի դրությամբ (Երևանի ժամանակով 14:30) ունեցած տվյալներով՝ զոհվել է 59 մարդ, որից 35-ի ինքնությունը պարզվել է, որից 31-ը Կոչանի քաղաքի բնակիչներ են, չորսը՝ Շտիպից: Տուժածների թիվը ժամը 12:00–ի դրությամբ (Երևանի ժամանակով 15:00-ն)՝ 155 մարդ է»,- ասել է նա:

Տոշկովսկին հայտարարել է նաև հետաքննություն սկսելու և միջոցառման կազմակերպման հետ կապված չորս անձի կալանավորելու ծրագրերի մասին։ Կոչանի քաղաքային հիվանդանոցի տնօրենը պարզաբանել է, որ զոհերի տարիքը տատանվում է 14-ից 27 տարեկան։

Հյուսիսային Մակեդոնիայի առողջապահության նախարարության տվյալներով՝ տուժածներից 18-ի վիճակը ծանր է, նրանց թվում կան երեխաներ։