Ռուսաստանը ներկայացնող Նունե Ասատրյանը՝ բռնցքամարտի աշխարհի չեմպիոն

Ռուսաստանը ներկայացնող  Նունե Ասատրյանը նվաճել է Սերբիայի Նիշ քաղաքում անցկացվող բռնցքամարտի կանանց աշխարհի առաջնության ոսկե մեդալը։ 60 կգ քաշայինների եզրափակիչում նա հաղթել է Ղազախստանի ներկայացուցիչ Վիկտորյա Գրաֆեևային։

«Աշխարհի առաջնությունում հեշտ մենամարտեր չեն կարող լինել, բայց եզրափակչում մենք լավ հանդես եկանք։ Որոշման մասին ռինգում հայտարարելուց հետո ես սկսեցի լաց լինել ու հիմա, անկեղծ ասած, հազիվ եմ զսպում լացը։ ես երջանիկ եմ։ Դեռ չգիտեմ, թե երբ կհասկանամ, որ դարձել եմ աշխարհի չեմպիոն. Արդյո՞ք սա ձեր կարիերայի ամենամեծ ձեռքբերումն է և ի՞նչ է սպասվում հաջորդը: Կա աշխարհի կրկնակի չեմպիոնի կոչում, եռակի։ Այնպես որ, աճելու տեղ միշտ կա»,- Ասատրյանի խոսքերն է փոխանցում Match TV-ի թղթակիցը։

Բռնցքամարտի կանանց աշխարհի առաջնության հաղթողները ստանում են 100 հազար դոլար, արծաթե մեդալակիրները՝ 50 հազար, բրոնզե մեդալակիրները՝ 25 հազար դոլար:

2024 թվականի Եվրոպայի առաջնությունում Ասատրյանը արծաթե մեդալ էր նվաճել։