Բայդենի ներում շնորհելը առ ոչինչ է․ Թրամփ

ԱՄՆ նախկին նախագահ Ջո Բայդենի ներումներն անվավեր են և իրավական ուժ չունեն, քանի որ դրանք ստորագրվել են ստորագրությունների վերարտադրման ավտոմատ սարքի միջոցով։ Այս մասին Ամերիկայի ներկայիս առաջնորդ Դոնալդ Թրամփը գրել է Truth Social սոցիալական ցանցի իր էջում։

«Ջո Բայդենը չի ստորագրել դրանք, բայց ավելի կարևոր է, որ նա ոչինչ չգիտեր դրանց մասին: Բայդենին ներման անհրաժեշտ փաստաթղթերը չեն բացատրվել կամ նրա կողմից հաստատվել։ Նա ոչինչ չգիտեր նրանց մասին, իսկ իմացողները կարող էին հանցագործություն կատարել»,- գրել է պետության ղեկավարը։

Այս տարվա հունվարին Բայդենը թմրանյութերի հետ կապված հանցագործությունների համար դատապարտված գրեթե 2500 մարդու պատիժը մեղմացրել է։ Ինչպես նշվում է Սպիտակ տան հայտարարության մեջ, այս հանցագործները կրում են անհամաչափ երկարաժամկետ բանտարկություն՝ համեմատած այն բանի հետ, ինչ նրանք այսօր կստանային գործող օրենքով։