Խամենեիին ուղղված նամակն այնքան էլ չի տարբերվում Թրամփի հրապարակային հռետորաբանությունից․ Իրանի ԱԳՆ

ԱՄՆ նախագահ Դոնալդ Թրամփի՝ Իրանի գերագույն առաջնորդ Ալի Խամենեիին ուղղված նամակի հիմնական թեզերն այնքան էլ չեն տարբերվում Սպիտակ տան առաջնորդի հրապարակային հռետորաբանությունից: Այս մասին հայտնել Է Իսլամական Հանրապետության ԱԳՆ պաշտոնական ներկայացուցիչ Իսմայիլ Բաղաին, փոխանցում է ՏԱՍՍ-ը։

«Առայժմ մենք հիմքեր չունենք Թրամփի նամակը հրապարակելու համար։ Այն ամենը, ինչ հրապարակվել է լրատվամիջոցներում այս նամակի վերաբերյալ, շահարկումներ են և որևէ հիմք չունեն: Հաշվի առնելով Թրամփի հրապարակային հայտարարությունները՝ այդ նամակի բովանդակությունն այնքան էլ չի տարբերվում դրանցից», - հայտարարել Է դիվանագետը մամուլի ասուլիսի ժամանակ։