ՀՀ ԱԺ նախագահը գնահատել է նոր էսկալացիայի հավանականությունը

Ադրբեջանը միշտ կիրառել է այդ աշխատելաոճը՝ սկզբից հայտարարում են, որ հարձակվում են հայերը, կրակում են, իրենք ստիպված են պատասխանել, բայց չեմ կարծում, որ այս փուլում նման քայլի կգնան․ նոր ենք հայտարարել, որ խաղաղության համաձայնագիրը պատրաստ է։ Այս մասին խորհրդարանում լրագրողների հետ զրույցում ասաց ՀՀ ԱԺ նախագահ Ալեն Սիմոնյանը՝ հիշեցնելով ԵՄ դիտորդական առաքելության գնահատականը սահմանին տիրող իրավիճակի վերաբերյալ։

Նա նշել է, որ Ադրբեջանի  «մտավախությունների» հետ կապված լուծումներ կան խաղաղության պայմանագրի տեքստում․

«Բայց եթե դա էլ բավարար չլինի, պատրաստ ենք քննարկել, հասկանալ՝ արդյոք, օրինակ, ՀՀ Սահմանադրության մեջ տարածքային պահանջներ կան, արդյո՞ք իրենց սահմանադրության մեջ նման բան կա ․․․ վերջիվերջո կարող ենք փորձաքննության ուղարկել երկու երկրների սահմանադրությունները՝ պարզելու այդյոք այդ պնդումներն իրականության հետ աղերս ունեն»,– ասել է ԱԺ նախագահը։