Ո՞նց, արցախցիները ՀՀ-ին դատի՞ են տալու, թող գնան իրանց վրա կրակողներին դատի տան. Ալեն Սիմոնյան
Քաղաքական
ԱԺ նախագահ Ալեն Սիմոնյանը լրագրողների հետ զրույցում անդրադարձել է արցախցիների զգուշացմանը, որ միջազգային ատյաններում Ադրբեջանի դեմ հայցերից հրաժարվելու դեպքում դատի են տալու Հայաստանի կառավարությանն ու անձամբ վարչապետ Փաշինյանին՝ իրենց իրավունքները խախտելու համար:
«Թող դատի տան, ինչ ասեմ։ Զարմանում եմ, որ չգիտես ինչու՝ փոխանակ պայքարեն իրենց կրակողների, գերեվարողների դեմ, շատ համառ ու դուխով պայքարում են մեր։ Մենք չեմպիոն ենք չէ՞ ինքներս մեր դեմ պայքարելու մեջ։ Դե տենց ուժեղ են, թող գնան պայքարեն այն մարդկանց դեմ, ովքեր իրենց դեմ քայլեր են արել, ոչ թե սեփական երկրի ընտրված իշխանության դեմ։ Իրենք մեր երկրի՞ դեմ պետք է հայց ներկայացնեն, ՀՀ–ի՞, Հայաստանի հարկատուների՞ դեմ, էն մարդկա՞նց դեմ, ովքեր տասնայակներ շարունակ իրեն աշխատավարձ են տվել, պաշտպանել, նաև վերջին տարիներին ավելի շատ աջակցություն են տվել, քան երբևէ։ Թո՛ղ ներկայացնեն, իրենց իրական մտադրությունը պարզ կդառնա բոլորին։ Դա ասելո՞ւ բան է»,– արձագանքել է Սիմոնյանը։
«Ես էլ գործ կա, որ մտածում եմ՝ դրա իրավունքն ունեմ՝ դատի տամ, բայց ես ՀՀ–ի՞ն պետք է դատի տամ՝ պետական պաշտոնյա լինելով հանդերձ։ Իրենք նման բա՞ն են իրենց թույլ տալիս ասել»,– հավելել է նա։
ՈՒՂԻՂ ԵԹԵՐ
Ամենադիտված 
Պլանային ջրանջատում․ տասնյակ հասցեներում ջուր չի լինի
