Գիտնականները պարզել են, որ թռչնագրիպի վիրուսը կարող է գոյատևել պանրի մեջ

Կոռնելի համալսարանի գիտնականները պարզել են, որ HPA1 H5N1 թռչնագրիպի վիրուսը կարող է «հաղթահարել» հում կաթից պանիր արտադրելու գործընթացը։

Գիտնականները բացատրել են, որ ԱՄՆ որոշ նահանգներում արգելված է հում (չպաստերիզացված) կաթի վաճառքը։ Սակայն 1949 թվականից թույլատրվում է վաճառել դրանից պատրաստված պանիր՝ պայմանով, որ դրանք հնեցվեն առնվազն 60 օր։ Այս ժամանակահատվածում արտադրվում են բնական թթուներ և ֆերմենտներ, որոնք, ինչպես ենթադրվում է, ոչնչացնում են պաթոգեն միկրոօրգանիզմները:

Ստուգելու համար, թե արդյոք կաթի օքսիդացումը կարող է ապաակտիվացնել թռչնագրիպի վիրուսը, գիտնականները պատրաստել են մինի պանիրների մի քանի տարբերակ և դրանցում ավելացրել H5N1: Պանիրներն արտադրվել են երեք pH (թթվայնության) մակարդակներում՝ նվազագույն թթվայինից (6,6) մինչև ամենաթթվային (5,0):

Հետազոտողները այնուհետև պանրի հատիկներ են ներմուծել բեղմնավորված հավի ձվի մեջ՝ տեսնելու, թե որքան ժամանակ կարող է վիրուսը գոյատևել և վարակ առաջացնել: Վիրուսի մակարդակը բարձր է մնացել առաջին յոթ օրվա ընթացքում, այնուհետև նվազել է ամենաքիչ թթվային երկու պանիրներում:

«Մեր ուսումնասիրությունը ցույց է տալիս, որ HPA1 H5N1 վիրուսը ուշագրավ կայունություն է ցուցաբերում պանրի պատրաստման գործընթացում»,- նշել են հեղինակները։