Հայտնի է ետհարբածության վիճակը նվազեցնելու անսպասելի միջոցը

Ետհարբածության վիճակի ախտանիշները նվազեցնելու համար ալկոհոլը պետք է խմել «ջրային սենդվիչ» համակարգով։ Ինչպես է աշխատում խնջույքից հետո առողջ զգալու այս ոչ ակնհայտ ձևը, HuffPost-ի հետ զրույցում հայտնել է բժիշկ Քրիսթալ Գրինը և նարկոլոգ Ջասլին Սալվանը:

Գրինը բացատրել է, որ «ջրային սենդվիչ» են անվանում ալկոհոլի երկու բաժիններից բաղկացած սեթը, որոնց ընդունման միջեւ մեկ բաժակ ջուր են խմում։ Նրա խոսքով՝ այս ընդունելությունը չի նվազեցնի էթանոլի թունավորությունը, փոխարենը կօգնի խուսափել ջրազրկումից, որը հաճախ լինում է ալկոհոլային խմիչքներ օգտագործելուց հետո:

«Ալկոհոլը գործում է որպես միզամուղ միջոց։ Այն ակտիվացնում է երիկամները՝ ավելի շատ մեզի արտադրելու համար, ինչը հանգեցնում է էլեկտրոլիտների կորստի և առավոտյան վատ ինքնազգացողության», - բացատրել է բժիշկը։

Բացի այդ, Գրինը կարծում է, որ խնջույքի ժամանակ ջուր խմելու սովորությունն օգնում է ավելի լավ վերահսկել կերածի և խմածի քանակը:

Սալվանը հավելել է, որ «ջրային սենդվիչները» կարող են դանդաղեցնել ետհարբածության վիճակի առաջացումը և այն պակաս տանջող դարձնել:

Սակայն նա ընդգծել է, որ ջուրն ի վիճակի չէ կանգնեցնել ալկոհոլի նյութափոխանակությունը ացետալդեհիդում՝ թունավոր նյութ, որը ետհարբածության վիճակ է առաջացնում։

Մասնագետը հավելել է, որ ջրի օգնությամբ հնարավոր չէ վերականգնել էլեկտրոլիտների, օգտակար նյութերի եւ գլյուկոզայի մակարդակը, որոնք կորցրել են սպիրտի օգտագործման պատճառով: