Հրաշալի զրույց ունեցանք․ Թրամփը՝ Պուտինի հետ հեռախոսազրույցի մասին

ԱՄՆ նախագահ Դոնալդ Թրամփը հաստատել է Ռուսաստանի հետ հարաբերությունները բարելավելու ԱՄՆ ցանկությունը։ Այդ մասին նա հայտարարել է մարտի 18-ին Fox News հեռուստաալիքի The Ingraham Angle ծրագրին տված հարցազրույցում։ Ամերիկացի առաջնորդը Ռուսաստանի նախագահ Վլադիմիր Պուտինի հետ իր զրույցը «հրաշալի» է որակել։

«Կարծում եմ՝ մենք հրաշալի զրույց ունեցանք։ Այն տևեց գրեթե երկու ժամ։ Մենք շատ բաների մասին խոսեցինք և խաղաղություն փնտրեցինք», - մեկնաբանել է Թրամփը։

Նրա խոսքով՝ Պուտինը չի պահանջել, որ դադարեցնի Ուկրաինային օգնություն տրամադրելը։

«Ոչ, նա չի պահանջել: Օգնության մասին ընդհանրապես չխոսեցինք։ Մենք շատ բաների մասին ենք խոսել, բայց օգնությունը չի քննարկվել»,- նշել է պետության ղեկավարը։

Թրամփը նաև ընդգծել է, որ ամերիկացի զինվորները ներգրավված չեն Ուկրաինայի հակամարտության մեջ, սակայն հակառակ իրավիճակը կարող է հանգեցնել երրորդ համաշխարհային պատերազմի։

«Այս պահին ամերիկացի զինվորներ չկան այնտեղ։ Բայց նրանք կարող էին ներգրավվել, և դա կբերեր երրորդ համաշխարհային պատերազմի, որը լիովին անհեթեթ կլիներ, բայց աշխարհում տարօրինակ բաներ են կատարվում»,- ընդգծել է ԱՄՆ նախագահը։