Մասկը բացահայտում է իր մոտիվացիայի գաղտնիքը

Ամերիկացի ձեռնարկատեր և ԱՄՆ Կառավարության արդյունավետության դեպարտամենտի (DOGE) ղեկավար Իլոն Մասկը սոցցանցերում գրել է, որ մոտիվացիա է ստանում՝ նայելով ԱՄՆ փոխնախագահ Ջեյ Դի Վենսի դիմանկարին։ Կնկատի նաև, որ սրանից հետո շնորհակալություն է հայտնում Աստծուն։

Երբեմն, երբ ինձ մի փոքր մոտիվացիա է պետք, ես նայում եմ Ջեյ Դի Վենսի դիմանկարին Սպիտակ տանը և փառք Աստծո»,- ասել է նա։

Քաղաքական գործիչն այսպես է արձագանքել Մինեսոտայի նահանգապետ Թիմ Ուոլզի հրապարակմանը, ով 2024 թվականի ընտրությունների ժամանակ հավակնում էր ԱՄՆ փոխնախագահի աթոռին։ Ուոլցը մարդկանց խնդրեց ուշադրություն դարձնել Մասկի Tesla-ի բաժնետոմսերի անկմանը «մի փոքր մոտիվացիայի համար»:

Մասկը ավելի վաղ ասել էր, որ հինգից յոթ տարի հետո մարդկությունը կսկսի գաղութացնել Մարսը: Նրա խոսքով՝ առաքելությունը պետք է տեղի ունենա երկու մոլորակների ամենամոտ մոտեցման ժամանակ, այսինքն՝ Երկրի և Մարսի միջև երկրորդ կամ երրորդ արձակման պատուհանի ժամանակ։

Միևնույն ժամանակ, ԱՄՆ նախագահ Դոնալդ Թրամփի ազգային անվտանգության նախկին խորհրդական Ջոն Բոլթոնը հայտարարել է, որ Մասկին Սպիտակ տանը անվանում են ամերիկացի առաջնորդի «ջերմային վահան», քանի որ նա իր վրա է վերցնում քննադատության հիմնական մասը։ Նրա կարծիքով՝ Մասկը կարող է հետագայում օգտագործել այդ դերը և պահանջել դրա դիմաց իր գինը։

Թարգմանությունը՝ Մանուել Թամազյանի