Չնայած տխուր կանխատեսումներին՝ Բրյուս Ուիլիսն իր 70-ամյակը նշել է ընտանիքի հետ (Լուսանկար)
Ժամանց
Մարտի 19-ին դերասան Բրյուս Ուիլիսը դարձավ 70 տարեկան։ Նա իր տարեդարձը նշել է ընտանիքի հետ տանը։
Նախօրեին նրա դուստր Ռումերը սոցիալական ցանցերում կիսվել է հոր վիճակի մասին տեղեկություններով.
«Նա իրեն հիանալի է զգում... Նա իրականում վաղը դառնում է 70 տարեկան, ուստի խնդրում եմ հայրիկիս շնորհավորել»:
Արդեն մի քանի տարի է, ինչ հոլիվուդյան լեգենդը պայքարում է առաջադեմ ճակատային ժամանակավոր դեմենցիայի դեմ: Բժիշկներն ախտորոշել են, որ նա կարող է չապրի 70 տարին։ Իսկ նրա ընտանիքն արդեն տխրությամբ նշել է նրա վերջին տարեդարձը։
Ուիլիսը չի կարողանում խոսել և երբեմն չի ճանաչում իր ընտանիքին, սակայն ընդհանուր առմամբ նրա վիճակը դեռ կայուն է։
Հունվարին նա նույնիսկ երկար դադարից հետո առաջին անգամ դուրս եկավ տնից՝ աջակցելու փրկարարներին, որոնք աշխատում էին Լոս Անջելեսում զանգվածային հրդեհների ժամանակ։ Նա լուռ սեղմեց նրանց ձեռքերը, սակայն հանդիպումը, միևնույն է, շատ հուզիչ էր։
Բրյուսի առողջությանը հետևում է նրա կինը՝ Էմմա Հեմինգը։ Վերջերս նա նշել է, որ դեմենցիայով տառապող մարդկանց օգնողներին նույնպես անհրաժեշտ է աջակցություն, քանի որ նրանց վիճակն էլ կարևոր է. չէ՞ որ նրանք պետք է հոգ տանեն այն մարդկանց մասին, ովքեր չեն կարողանում ինքնուրույն խնամել իրենց։
Թարգմանությունը՝ Մանուել Թամազյանի
ՈՒՂԻՂ ԵԹԵՐ
Ամենադիտված 
Բժիշկները հայտնաբերել են մի մթերք, որը լավացնում է տեսողությունը և ամրացնում արյունատար անոթները. ինչու արժե այն ավելացնել սննդակարգում
