Շեյխի հետ խնջույքից հետո մոդելը հայտնաբերվել է ողնաշարի և վերջույթների կոտրվածքներով

Դուբայում հայտնաբերվել է 80 օր անհետ կորած համարվող մոդել Մարիա Կովալչուկին՝ ողնաշարի և վերջույթների կոտրվածքներով՝ շեյխերի հետ խնջույքից հետո, որի ժամանակ աղջիկը նշել է իր 20-ամյակը։ Այս մասին գրում է Life-ը՝ SHOT տելեգրամյան ալիքին հղումով։

Երբ նրան հայտնաբերել են, Մարիան ընկած է եղել ճանապարհի եզրին։ Այժմ նա գտնվում է ծայրահեղ ծանր վիճակում և արդեն չորս վիրահատության է ենթարկվել։ Նա չի կարողանում շարժվել։

Տուժածը մարտի 9-ին նշել է ծննդյան տարեդարձը, իսկ մարտի 10-ին զանգահարել է մորը և, վերջինիս խոսքով, շփոթված ձայնով ասել է, որ գնում է հյուրանոց՝ իրեն հրավիրած անծանոթներին այցելելու։ Դրանից հետո աղջիկը ութ օր կապ չի հաստատել։ Մոդելի ծնողները վախենում են, որ այս ամբողջ ընթացքում նրան բռնաբարել են։