Քարդաշյանների ընտանիքին մեղադրել են սևամորթ երեխաների թրաֆիքինգի մեջ

Ռեփեր Քանյե Ուեսթը X սոցիալական ցանցում Քարդաշյանների ընտանիքին մեղադրել է երեխաների թրաֆիքինգի մեջ՝ իր նախկին կնոջ՝ Քիմի հետ վիճաբանությունից հետո։

«Քարդաշյանները սեքս–աշխատողներ են, և նրանք զբաղվում են իրենց լույս աշխարհ բերած սևամորթ երեխաների սեքս–թրաֆիքինգով»,- ասել է երաժիշտը։

Ռեփերի քննադատության պատճառ է դարձել իր 11-ամյա դստեր՝ Նորթի մասնակցությունը երգչուհի FKA Twigs-ի տեսահոլովակին։ Ռեփերը կարծում էր, որ իր դուստրը տեսանյութում չափազանց բաց է հագնված։

«Ինձ դուր չի գալիս, որ Twigs–ն իմ դստերը մեծահասակների հագուստ է հագցրել իր տեսահոլովակում», - բացատրել է արտիստը:

Ուեսթը նաև հրապարակել է իր կրտսեր դստեր՝ Չիկագոյի լուսանկարը և բողոքել, որ իրեն թույլ չեն տալիս մասնակցել իր 7-ամյա աղջկա դաստիարակությանը։

«Սա իմ դուստրերից մեկն է, որին ես իրավունք չունեմ մեծացնելու և որին երբեք չեմ տեսնի։ Օրինակ՝ ինձ թույլ չտվեցին գնալ նրա ծննդյան տարեդարձին։ <…> Սևամորթ հայրերին ամեն օր միտումնավոր ջնջում են կյանքից»,- վրդովվել է ռեփերը։