Թրամփը ցանկանում է Ուկրաինայում կրակի ամբողջական դադարեցում․ Սպիտակ տուն
ԱՄՆ
ԱՄՆ նախագահ Դոնալդ Թրամփը ձգտում է Ուկրաինայում մասնակի հրադադարից անցնել ամբողջականի։ Այս մասին մամուլի ասուլիսի ժամանակ հայտարարել է Սպիտակ տան մամուլի քարտուղար Քերոլայն Լևիթը։ Հեռարձակումն իրականացրել է Սպիտակ տան մամուլի ծառայությունը։
Նրա խոսքով՝ այժմ ձեռք է բերվել մասնակի հրադադարի էներգետիկ հարվածների դադարեցման տեսքով, սակայն Թրամփը կշարունակի «պայքարել խաղաղության համար»։
Մարտի 18-ին Թրամփն ու ՌԴ նախագահ Վլադիմիր Պուտինը հեռախոսազրույց են ունեցել՝ նվիրված Ուկրաինայի կարգավորմանը։ Հաջորդ օրը Թրամփը հեռախոսով խոսել է Վոլոդիմիր Զելենսկու հետ, և նա խոսակցությունն անվանել է «շատ լավ»։
Սպիտակ տունը հայտնել է, որ տեխնիկական թիմերը մոտ օրերս կհանդիպեն Սաուդյան Արաբիայում՝ «քննարկելու հրադադարի ընդլայնումը դեպի Սև ծով՝ հրադադարի ամբողջական դադարեցման ճանապարհին»:
«Նախագահն ընդգծել է, որ ապագա հանդիպումներում կողմերը կարող են պայմանավորվել շարժվել դեպի կայուն խաղաղություն և անվտանգություն։ Մենք երբեք ավելի մոտ չենք եղել խաղաղությանը… շնորհիվ Թրամփի», - ասել է Լևիթը:
ՈՒՂԻՂ ԵԹԵՐ
Ամենադիտված 
Բժիշկը կոչ է արել հեռախոսը զուգարան չվերցնել
