ԵՄ-ն մերժել է Հունգարիայի ձայնի իրավունքը կասեցնելու առաջարկը

Եվրամիությունը (ԵՄ) լրջորեն չի մտածում Հունգարիայի ձայնի իրավունքը կասեցնելու մասին։ Այս մասին հայտնում է Politico թերթը։

«ԵՄ պայմանագրի 7.1 հոդվածին հղումը, որը Հունգարիային կզրկի ձայնի իրավունքից, լուրջ չէ»,- ասվում է հոդվածում։

Հրապարակման հեղինակների կարծիքով՝ եթե Բուդապեշտը կորցնի ձայնի իրավունքը, տարածաշրջանային համայնքում կարող են մեծ թվով խնդիրներ առաջանալ։ Այս կապակցությամբ լրագրողները համապատասխան որոշումը համեմատել են «միջուկային տարբերակի» հետ։

Հոդվածում նշվում է, որ ԵՄ անդամ երկրների դժգոհությունը շարունակում է աճել՝ կապված Հունգարիայի՝ Ուկրաինայի հակամարտության հարցում տարածաշրջանային բլոկի քաղաքականությանն աջակցելուց հրաժարվելու պատճառով։ Բայց, չնայած դրան, եվրոպական պետությունները ստիպված են համակերպվել Բուդապեշտի գործողությունների հետ։

Պատճառն այն է, որ Բրյուսելը ցանկանում է թույլ չտալ անդամ երկրների միջև վերջնական պառակտում։ Ավելին, վերջերս մեկ այլ պետություն՝ Սլովակիան, սկսել է աջակցել Հունգարիայի դիրքորոշմանը։