Գիշերը Թուրքիայում թեժ է անցել․ մեծ թվով ցուցարարներ են ձերբակալվել, կան տուժածներ (տեսանյութ)

Ստամբուլում, Անկարայում և Թուրքիայի այլ քաղաքներում հազարավոր մարդիկ դուրս են եկել փողոց՝ բողոքելու մարտի 19-ին Ստամբուլի քաղաքապետ Էքրեմ Իմամօղլուի ձերբակալության դեմ։

Նրա ձերբակալությունից անմիջապես հետո երկրի իշխանություններն արգելեցին բողոքի ակցիաները հաջորդ չորս օրվա ընթացքում, իսկ Ստամբուլի ոստիկանությունը փակեց քաղաքի որոշ փողոցներ և կենտրոնական Թաքսիմ հրապարակը։ Այնուամենայնիվ, հազարավոր ցուցարարներ հավաքվել են քաղաքապետարանի մոտ, հաղորդում է Reuters-ը։ Նրանց դիմել է ընդդիմադիր Ժողովրդահանրապետական ​​կուսակցության առաջնորդ Օզգյուր Օզելը։

Նա քաղաքապետի ձերբակալությունն անվանել է «հեղաշրջման փորձ» և մեղադրել երկրի գործող նախագահ Ռեջեփ Թայիփ Էրդողանին՝ Իմամօղլուին «արդարության մահակով» կոտրելու ցանկության մեջ՝ վախենալով պարտվել ընտրություններում։ Նա կոչ է արել Թուրքիայի ժողովրդին մասնակցել մարտի 23-ին կայանալիք համընդհանուր բողոքի ակցիաներին։

Հաղորդվում է, որ Ստամբուլում գիշերը բողոքի ակցիաների ժամանակ տասնյակ մարդիկ են ձերբակալվել, 6 ոստիկան տուժել է։