Նիկոլը Թբիլիսի էր մեկնել հաստատ ոչ ֆուտբոլ նայելու․ Արմեն Հովասափյան

ՀՀԿ խորհրդի անդամ Արմեն Հովասափյանի ֆեյսբուքյան գրառումը. «Ինչո՞ւ էր Նիկոլը գնացել Թիֆլիս․ իմ խորին համոզմամբ՝ նա այնտեղ էր մեկնել հաստատ ոչ ֆուտբոլ նայելու։ Անցնենք մի քանի իրողությունների վրայով և հասկականեք, թե ինչ է իրականում կատարվում։

Նախ ի սկզբանե արձանագրենք, որ Նիկոլը գիտեր, որ Հայաստանի ազգային հավաքականը Թբիլիսիում ջախջախիչ պարտություն է կրելու, քանի որ դրա բոլոր նախահիմքեր կային (Երևանում տեղի ուենցած խայտառակությունը խոսում էր Թբիլիսիում էլ ավելի խոշոր հաշիվ լինելու փատի մասին)։ Երկրորդ, Նիկոլի՝ ոչ «ֆուտբոլային» տրամադրվածության հանգամանքի ցցուն օրինակ էր բավական ներկայացուցչական կազմով Վրաստան մեկնելը (պատվիրակության կազմում էին՝ ՊՆ, ֆինանսների, տարածքային կառավարման և առողջապահության նախարարները)։ Ստացվում է, որ Նիկոլը իր համար տվյալ պահին ավելի առաջնային մարտահարավեր է համարում Պապիկյան Սուրենին Թիֆլիս տանի, քան մնա երկրում և ադրբեջանական ամենօրյա էսկալացիոն գործընթացնրի հետ կապված իրավիճակը վերահսկի։ Ի դեպ, նման կազմով Թիֆլիս մեկնելու ժեստով Նիկոլը փորձում է ցույց տալ, թե «ինչ կուռ ու հավատարիմ սաստավ» ունի իր կողքին, ինչն իր հերթին խոսում է, որ ներթիմային լրջագույն խնդիրն կան իրականում։

Ասել է թե, բոլոր հիմքերը կան, թեմայի հետ կապված տեղի ունեցածի դարձերեսին ուշադրություն դարձնելու առումով։ Ես շատ խորը կասկածներ ունեմ, որ Նիկոլի վրացական վոյաժի հիմքում իր աշխարահաքաղաքական անտերությունն է, որի հետ կապված վերջինս լուրջ անհանգստություններ ունի։

Այցի իրական նպատակները կարելի է մեկնաբանել տարբեր եղանակներով։ Կարելի է ենթադրել, որ Փաշինյանը կարճ և երկարաժամկետ քաղաքական շահեր ու աշխարհաքաղաքական հավասարակշռության փոփոխություն է որոնում Չի բացառվում, որ Նիկոլը Կոբախիձեի հետ հանդիպման էր գնացել, որպեսզի մեսիջ փոխանցի համապատասխան աշխարհաքաղաքական բևեռին, տեղեկություն տա այն մասին, որ իրեն այլևս մարդատեղ չեն դնում, որ պետք է փոխել ստեղծված «աշահրաքաղաքական ընկեցիկության» կարգավիճակը։ Մի տարբերակ ևս․ Նիկոլը Կոբախիձեի միջոցով փորձ է անում հասկանալ, թե ի՞նչ են մտածում իր մասին աշխարհի մեծերը, որպեսզի ըստ այդ կարողանա համապատասխան դրսևորումներն ու քայլերն իրականցնի։ Ըստ էության՝ այս այցը ոչ թե ֆուտբոլի մասին էր, այլ իշխանության գոյատևման մղվող պայքարի։

Փաշինյանի Թբիլիսիի ուղևորությունը հուշում է, որ նա փորձում է հասկանալ, թե ինչ տեղ ունի աշխարհաքաղաքական խաղաքարերում և ինչ հնարավորություններ են մնացել իր համար։ Եթե նա իրապես զգում է, որ դուրս է մղվում քաղաքական կենտրոններից, ապա սա նշան է, որ Հայաստանի իշխանության արտաքին հենարաններն ավելի են սասանվում։

Այս այցը կարող է դառնալ հերթական վկայությունը, որ Փաշինյանի կառավարությունը ոչ միայն երկրի ներսում է կորցնում վերահսկողությունը, այլև՝ դրսում։ Իսկ երբ իշխանությունը սկսում է շփվել ոչ թե գործընկերների, այլ միջնորդների միջոցով, դա արդեն քաղաքական թուլության ամենավտանգավոր դրսևորումներից է։

Ըստ էության՝ ակնհայտ է, որ Նիկոլի աշխարհաքաղաքական վարկանիշը զրո է, և Կոբախիձեի խորհուրդը նման իրավիճակում, նրա համար կարևոր է, թե ինչպես է Վրաստանի վարչապետը կարողանում իր հարաբերությունները ճիշտ դասավորել Արևմուտք-Ռուսաստան առճակատման կոնտեքստում։ Նիկոլը փորձումէ հասկանալ, թե ինչ են իր մասին խոսում «շքամուտքում», քանի որ շատ հստակ գիտակցում է, որ ինքն այլևս ոչ մի կերպ ընկալելի չէ աշխարհում․ նա կորցերել է իր վստահելի գործընկեր լինելու քարտը (աշխարհում հստակ սահմաններ են գծվում)։

Այսինքն՝ Նիկոլի այցը Թբիլիսի իսկապես կարևոր ուղերձ է տալիս, որ հայաստանյան իշխանությունը կանգնած է աշխարհաքաղաքական օժանդակության խորը բացակայության ու ներքին ճգնաժամի միջավայրում։ Այդ կերպ Փաշինյանը ցույց է տալիս, որ որոշումները այլևս միայն իր ներքին շրջապատից չեն կախված, և դրսի աշխարհի գնահատականներն ու դիրքորոշումները կարող են որոշիչ դեր խաղալ Հայաստանի քաղաքական կյանքի ապագայի համար»։