Ինչու է Արմեն Աշոտյանը քաղբանտարկյալ. փաստաբանն արձագանքում է Ալեն Սիմոնյանին
Բլոգոսֆերա
Փաստաբան Ռուբեն Մելիքյանն անդրադարձել է Ալեն Սիմոնյանի «հերթական ստին».
«Ազգային Ժողովի նախագահի պաշտոնը շռայլորեն վայելող անձը լրագրողների հետ զրույցում, ի թիվս բազմաթիվ այլ ստերի, քիչ առաջ հայտարարեց, որ Արմեն Աշոտյանը քաղաքական բանտարկյալ չէ, քանի որ իբր չկա դա մատնանշող որևէ միջազգային զեկույց։
Այդ կեղծիքը հերքելու համար տեղադրում եմ երկու խոշորագույն (եվրոպական և համաշխարհային) քաղաքական ընտանիքների հատուկ բանաձեւերը, որոնցով Արմեն Աշոտյանը հստակորեն ճանաչվել է որպես քաղաքական բանտարկյալ։
1. Եվրոպական Ժողովրդական կուսակցությունը (EPP) 2023 թվականի նոյեմբերի 14-ին ընդունված «Աջակցելով Եվրոպայի քաղաքական բանտարկյալներին աճող ավտորիտարիզմի ժամանակ» հրատապ բանաձեւում Հայաստանից ընդգրկել է հենց Արմեն Աշոտյանի դեպքը որպես քաղաքական հետապնդում (կցվում է):
2. Կենտրոնամետ դեմոկրատների ինտերնացիոնալը (IDC-CDI) 2024 թվականի ապրիլի 9-ին առանձին բանաձեւով է անդրադարձել Հայաստանում քաղաքական հետապնդումներին՝ ընգծելով հենց Արմեն Աշոտյանի դեպքը (կցվում է)»
Զոռբայությամբ, լաչառությամբ, ստերով և ճտպտան բառակույտով այլեւս անհնար է կոծկել Հայաստանի բազում խնդիրները, այդ թվում՝ քաղաքական հետապնդումների աղաղակող փաստերը»։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
