Ձեր թիմակիցն ատելության խոսք է գեներացնում Հայաստանում բնակվող ռուս ռելոկանտների նկատմամբ․ Գևորգ Թոսունյանը՝ Արտակ Զեյնալյանին
Բլոգոսֆերա
Լրագրող Գևորգ Թոսունյանը գրում է․ «Հարգելի Արտակ Զեյնալյան, ինչո՞ւ եք Դուք նման պահվածք հանդուրժում, ինչու եք մի դեպքում հայտարարում, որ հարկավոր չէ ատելության խոսք տարածել, մյուս դեպքում թույլատրում, որ այն ձևավորվի Ձեր իսկ թիմում։
Երևանի ավագանու ընտրություններին Դուք առաջնորդում էիք «Հանրապետություն» կուսակցության պայքարը և հիմա էլ ավագանու կազմում գործունեություն եք ծավալում, այդ ավագանին ղեկավարում է սույն անձը՝ Անի Խաչատրյանը։ Դուք, պարոն Զեյնալյան, օրեր առաջ էիք ատելության խոսք չտարածելու մասին արտահյտվել՝ Գյումրիի ընտրությունների համատեքստում, Դուք մշտապես հանդես եք եկել մարդկանց իրավունքների պաշտպանության դաշտում, բայց այսօր Ձեր իսկ թիմակիցը՝ ակնհայտ ատելության խոսք է գեներացնում Հայաստանում բնակվող ռուս ռելոկանտների նկատմամբ։ Այսօր ես տեսա ռուս ռելոկանտների քաղաքակիրթ ակցիան ու տեսա Ձեր թիմակցի այս խոսքը, որտեղ նա օգտագործում է մարդկանց ազգային պատկանելությունը և նրանց պայքարը որակում՝ որպես «վնգստոց», հոմանիշները՝ հաչոց, հաչ, հաչյուն, ոռնոց։
Եթե այս ամենը նորմալ է Ձեզ համար, ապա արձանագրենք, որ նորմալ է Գյումրիի ընտրություններին Ձեր թիմի հանդեպ գեներացվող ատելության խոսքը»։
ՈՒՂԻՂ ԵԹԵՐ
Ամենադիտված 
Դպրոցները զգուշացվել են, որ ուշադիր լինեն․ ԿԳՄՍ նախարարը՝ «Կարմիր դուռ, դեղին դուռ» խաղի մասին
