Ռուսաստանում գիտնականները ցանկացել են քաղցկեղը բուժել գենային մակարդակով

Իվանովոյի ռուս գիտնականները ցանկացել են քաղցկեղը բուժել գենային մակարդակով։ Նրանք մշակել են միացություն, որը թույլ չի տա «վատ» ժառանգականությամբ բջիջներին հետագայում բաժանվել: Այս մասին հայտնում են Ռուսաստանի գիտությունների ակադեմիայի ԻՀՌ մասնագետները, փոխանցում է Lenta-ն։

Նշվում է, որ ԴՆԹ-ն ունի բարդ պարուրաձև կառուցվածք, որը ստեղծվում է ազոտային հիմքերի փոխազդեցության շնորհիվ։ Եթե ինչ-որ նյութի մոլեկուլ «տեղադրվի» այս ազոտական հիմքերի մեջ, ինչպես նշվում է, ապա տեղեկատվության պատճենման և ընթերցման գործընթացներն այլևս հնարավոր չեն լինի:

Հետազոտողների տվյալներով՝ նոր նյութն աշխատում է հենց այդպես․ այն թափանցում է ԴՆԹ-ի մեջ, ներկառուցվում ադենինի եւ թիմինի բարձր պարունակությամբ շրջաններում, որից հետո լույսի ազդեցության տակ «կոտրում» է ամբողջ կառուցվածքը:

Այսպիսով, ԴՆԹ-ի վերականգնումն այլևս անհնար է, ինչպես ժառանգական նյութի պատճենումը և նման բջիջում սպիտակուցների սինթեզը:

Ինչպես նշել է նախագծի ղեկավար Նատալյա Լեբեդևան, միացությունը պատկանում է պորֆիրիններին և ունի ծավալային կառուցվածք, որը իդեալական է ԴՆԹ-ի հատուկ հատվածների միջամտության համար:

Ըստ նրա՝ նոր մեխանիզմը հեռանկարներ է ստեղծում հակաքաղցկեղային դեղամիջոցների եւ նվազագույն կողմնակի ազդեցություններով հակաբիոտիկների ստեղծման համար: