Հերթական հակաժողովրդավարական միջադեպը՝ խորհրդարանում․ Նարեկ Կիրակոսյան

Լրագրող Նարեկ Կիրակոսյանը գրում է.

Այսօր Հայաստանի խորհրդարանում հերթական հակաժողովրդավարական միջադեպն է տեղի ունեցել։ ԱԺ ղեկավար կազմի ցուցումով ՊՊԾ աշխատակիցները խոչընդոտել են լրագրողների խաղաղ բողոքի ակցիան՝ ընդդեմ իշխող ՔՊ խմբակցության պատգամավոր Անդրանիկ Քոչարյանի։ Լրագրողները որոշել էին ԱԺ օթյակից ցուցադրել Քոչարյանի նկարը՝ ուշադրություն հրավիրելով նրա պահվածքի վրա։ Պատգամավորը օրեր առաջ վիրավորել էր լրագրող Hripsime Jebejyanին։

ԱԺ նիստի ժամանակ լրագրողները փորձեցին Քոչարյանի լուսանկարով պաստառ պահել օթյակից, որպեսզի կառավարության ու օրենսդիր մարմնի անդամներին տեսանելի լինի, սակայն անվտանգության աշխատակիցները քաշքշելով խլեցին պաստառը, իսկ լրագրողներին դուրս հանեցին։

Այդ ակցիան տևելու էր ընդամենը հինգ րոպե, չէր խաթարելու ԱԺ նիստի բնականոն ընթացքը, քանի որ լրագրողները նախապես հստակ ֆիքսել էին, որ նպատակ չունեն օրենսդիր մարմնի աշխատանքները կաթվածահար անել։

Ուշագրավ էր նաև ժողովրդավարության քարոզով զբաղվող ՔՊ-ականների անհաղորդ դիրքավորումը։ Օթյակ բարձրացավ ընդամենը երեք պատգամավոր՝ ԱԺ նախագահ Ալեն Սիմոնյանը, «Հայաստան» խմբակցությունից Գեղամ Մանուկյանը և անկախ պատգամավոր Թագուհի Թովմասյանը։ ՔՊ-ական կանայք (թիրախավորում չընկալել), որոնք ամեն օր հպարտանում են հայկական ժողովրդավարությամբ, լռում են Հռիփսիմե Ջեբեջյանին վիրավորելու Անդրանիկ Քոչարյանի պահվածքի մասին։ Միայն Քրիստինե Պողոսյանն է դատապարտել՝ Factor TV-ի հարցազրույցում։

Հռիփսիմե Ջեբեջյանը այսօր Նիկոլ Փաշինյանին նամակ է փոխանցել, պատմել Անդրանիկ Քոչարյանի պահվածքի մասին։ Վարչապետը լուռ վերցրեց նամակը և հեռացավ։ Մինչ հույս էինք հայտնում, որ Փաշինյանը կդատապարտի կնոջը թիրախավորելու Քոչարյանի պահվածքը, սակայն ականատես եղանք, որ Փաշինյանն ինքն է թիրախավորում կանանց։ Նա պատգամավոր Anna Grigoryanին ԱԺ ամբիոնից հեգնեց՝ նշելով, թե դոպինգ անելուց հետո է ԱԺ եկել։

Սա է ժողովրդավար Հայաստանը։