Նիկոլ Փաշինյանի հետ բանավեճի գնալու համար նա պետք է կլինիկայից թուղթ բերի, որ հոգեկան հիվանդ չէ. Իշխան Սաղաթելյան

ԱԺ «Հայաստան» խմբակցության պատգամավոր Իշխան Սաղաթելյանը պնդում է՝  Նիկոլ Փաշինյանի հետ բանավեճի գնալու համար վարչապետը պետք է կլինիկայից թուղթ բերի, որ «հոգեկան հիվանդ չէ»։

«Դրանից հետո կքննարկենք՝  արժի՞ իր հետ ընդհանրապես բանավիճել, թե՞ չէ»,- լրագրողների հետ զրույցում ասաց նա։

Սաղաթելյանի  խոսքով՝  Հայաստանը ղեկավարվում է «հոգեկան լուրջ հիվանդություն ունեցող մարդու կողմից»։

«Առանց այդ թղթի՝ բանավիճելն անիմաստ եմ համարում»,- ասաց նա։

Հիշեցնենք՝ վարչապետ Նիկոլ Փաշինյանը երեկ հունից դուրս եկավ, երբ խոսք գնաց ՀՀ նախկին նախագահների մասին։ Նա հայտարարեց. «Ասում են՝ մենք իրար հետ բանավճելու բան չունենք։ Արա, եթե բանավիճելու բան չկա, վեր ընկեք տեղներդ, ձեններդ կտրեք։ Ես ասում եմ՝ ես ձեզ պատերով կտամ, ձեր քաղաքական դիակի մնացորդները դուրս կհանեն, հերիք ա ներվերներիս հետ խաղաք, ես ձեզ ոտի տակ կտամ»։