Կան հարցեր, որոնք լուծում են պահանջում․ Զախարովան՝ ՌԴ–ՀՀ հարաբերությունների մասին
Ռուսաստանը և Հայաստանը շարունակում են բազմակողմ քաղաքական երկխոսությունը, երկու երկրների ղեկավարները մշտական կապի մեջ են, և Հայաստանի վարչապետն ընդունել է Հաղթանակի 80-ամյակին նվիրված հանդիսավոր միջոցառումներին Մոսկվա այցելելու հրավերը։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Զախարովայի խոսքով՝ կառուցողական բանակցություններ են տեղի ունեցել նաև Ռուսաստանի Դաշնության և Հայաստանի արտաքին գործերի նախարարների միջև․ «Օրերս խորհրդակցություններ են անցկացվել երկու երկրների փոխարտգործնախարարների միջև. գործում են միջկառավարական և միջխորհրդարանական մեխանիզմներ, ակտիվ միջգերատեսչական համագործակցություն, ագրոարդյունաբերական համալիրի հիմնախնդիրների շուրջ տեղի է ունեցել կլոր սեղան։
Նախաձեռնություններ կան մշակութային, կրթական, հումանիտար ոլորտներում։ Նախատեսվում է, որ հաջորդ ամիս հայկական պատվիրակությունը կայցելի «Սիրիուս» կրթական կենտրոն՝ արագացնելու Ջերմուկում շնորհալի երեխաների համար ռուսական կրթական կենտրոնի բացումը»։
Բացի այդ, ըստ դիվանագետի, զարգանում են նաև երկու երկրների միջև տնտեսական կապերը. «Անցյալ տարի մեր ապրանքաշրջանառությունը բացարձակ ռեկորդ է սահմանել՝ մոտ 12 մլրդ դոլար։ Կարծում եմ, որ Երևանում զգում են ԵԱՏՄ-ին մասնակցության այս գործնական օգուտը և հասկանում են դրա կարևորությունը երկրի սոցիալ-տնտեսական կայունության և անվտանգության համար»։
Զախարովան նշել է, որ Ռուսաստանը և Հայաստանը համագործակցում են նաև այլ միջազգային հարթակներում, մասնավորապես՝ ՄԱԿ-ում. «Մեր մոտեցումները համաշխարհային օրակարգի վերաբերյալ համընկնում են կամ մոտ են: Երևանն ավանդաբար աջակցում և համահեղինակ է ռուսական բանաձևերի մեծամասնությանը: Բայց կան հարցեր, որոնք դեռ լուծված չեն կամ լուծում են պահանջում, որպեսզի չվնասեն երկկողմ հարաբերություններին»:
ՈՒՂԻՂ ԵԹԵՐ
Ամենադիտված 
Մարտի 25-ին, 26-ին և 28-ին հարյուրավոր հասցեներում գազ չի լինի
