Զինապարտ քաղաքացիների ծանուցումներն ապրիլի 1-ից կիրականացվեն նոր ընթացակարգով

ՀՀ պետական սահմանի Տավուշի ուղղությամբ տեղակայված մարտական դիրքերումՀայաստանում զինապարտ քաղաքացիների ծանուցումները 2025 թվականի ապրիլի 1-ից կկատարվեն  նոր ընթացակարգով, որն ապահովում է ավելի հասանելի և ապահով ծանուցման մեխանիզմ։ Այս մասին հայտնում է ՀՀ պաշտպանության նախարարությունը։

Նշվում է, որ նախ քաղաքացուն կուղարկվի ծանուցում, որը հասկանելի կլինի ծանուցումների պաշտոնական azdarar.am կայքում։ Կայքի «անհատական ծանուցումներ» բաժնում անհրաժեշտ է նույնականանալ «Ես եմ» թվային հարթակի միջոցով և ստուգել ծանուցման առկայությունը։

«Եթե քաղաքացին 5 օրվա ընթացքում չի ծանոթանում ծանուցմանը, ապա «Հայփոստ» ազգային օպերատորի միջոցով կուղարկվի դրա թղթային տարբերակը՝ քաղաքացու հաշվառման հասցեին։ Եթե այս եղանակով նույնպես հնարավոր չլինի ծանուցել, ապա այն կհրապարակվի azdarar.am կայքում՝ «պետական լիազոր մարմնի կողմից ծանուցումներ» բաժնում, որտեղ քաղաքացին կարող է գտնել իրեն առնչվող տեղեկատվությունը։

Այս դեպքում ծանուցումը կհամարվի պատշաճ իրականացված 10-րդ օրը։ Զինկոմիսարիատ չներկայանալու դեպքում քաղաքացին օրենքով նախատեսված կարգով կենթարկվի պատասխանատվության».- ասված է հայտարարության մեջ։