Իշխանությունն ամեն ինչ անելու է, այդ թվում անթույլատրելի միջոցներով Գյումրիում իշխանություն ունենալու համար. Աբրահամյան
Քաղաքական
Այն, ինչ տեղի ունեցավ երեկ Գյումրիում, իր անոնսը ստացել էր չորեքշաբթի՝ ԱԺ-ում Կառավարության հետ հարցուպատասխանի ժամանակ. ԱԺ ճեպազրուցներին հայտարարեց «Պատիվ ունեմ» խմբակցության պատգամավոր Տիգրան Աբրահամյանը։
«Քաղաքական իշխող մեծամասնության ղեկավարը խորհրդարանի ամբիոնից հանձնառություն իջեցրեց իրավապահ համակարգին՝ գործելու իր պատկերացումների շրջանակներում։ Դրա հիմքում ոչ թե օրենքն ու Սահմանադրությունն են, այլ՝ իշխող ուժի առաջնահերթությունները, որոնք արտահայտվում են ձերբակալությունների, ճնշումների, անթույլատրելի միջոցների կիրառմամբ»,-ասաց նա։
Աբրահամյանը շեշտեց, որ քաղաքապետի թեկնածու, իրենց գործընկեր Մարտուն Գրիգորյանի և նրա ընտանիքի նկատմամբ իրականացվող ողջ պրոցեսն իր նկարագրած իրադարձությունների շրջանակում է։
Պատգամավորն ընդգծեց՝ անօրինական քայլերն իրականացվել են ոչ միայն Մարտուն Գրիգորյանի, այլ նաև մյուս ընդդիմադիր թեկնածուների նկատմամբ։
«Իշխանությունը Գյումրիում գործում է ճիշտ այնպես, ինչպես իր քաղաքական նկարագիրն ու հետագիծն է, և ամեն ինչ անելու է, այդ թվում անթույլատրելի միջոցներով Գյումրիում իշխանություն ունենալու համար»,-ասաց նա։
ՈՒՂԻՂ ԵԹԵՐ
Ամենադիտված 
Ջուր հավաքեք․ ջուր չի լինելու
